Elorda • 21 Mamyr, 2021

Altaı Kólginov: «Jasyl beldeý» aýmaǵynda 10 mıllıondaı aǵash ósedi

186 ret kórsetildi

Bas shahardyń ákimi Altaı Kólginov Instagram paraqshasynda «jasyl beldeý» aýmaǵynda 9,6 mıllıonnan astam aǵash pen 1,8 mıllıonǵa jýyq buta ósetinin málim etti, dep habarlaıdy Egemen.kz.

«Elordanyń «jasyl beldeýi» – qala qalqany. Qalanyń klımaty tym kontınenttik ekenin eskere otyryp, «jasyl beldeý» ekologııany aıtarlyqtaı jaqsartyp qana qoımaı, klımattyq jaǵdaılardy jumsartýǵa múmkindik beredi.

Bizdiń mindetimiz – qalanyń «ókpesi» bolyp tabylatyn «jasyl beldeýdi» qorektendirý. Tek bıyl osy aýmaqta 900 myńǵa jýyq kóshet otyrǵyzamyz. Olardyń jartysy qazirdiń ózinde otyrǵyzyldy. Jalpy «jasyl beldeý» aýmaǵynda 9,6 mıllıonnan astam aǵash pen 1,8 mıllıonǵa jýyq butalar ósedi.

 1

Sonymen qatar faýnany damytýmen de aınalysamyz. Qustardyń, sonyń ishinde qyrǵaýyl sanyn kóbeıtý úshin fazanarııdi keńeıtý jáne qaıta qurý jumystary júrgizildi. Bul bizge qyrǵaýyl sanyn jylyna 2 myń qusqa deıin arttyrýǵa múmkindik beredi. Mysaly, qyrǵaýyldardy ósirý – zııankesterden (jándikterden) qorǵaýdyń bıologııalyq ádisi, sonymen qatar qyrǵaýyldardyń tirshilik etý ortasynyń keńeıýine yqpal etedi. Sonymen qatar «jasyl beldeý» aýmaǵynda qoıan, túlki, qarsaq, kekilik jáne t. b. tirshilik etedi.

Sondaı-aq beldeý aýmaǵynda at jolyn salý jumystaryn júrgizemiz. Ýaqytty belsendi ótkizý úshin skeıtbordıngke arnalǵan alańdardy jaılastyramyz, tennıs, fýtbol alańdaryn, balalar oıyn aımaqtaryn jáne t. b. ornatamyz, sondaı-aq jaıaý serýendeýge jáne kross-kantrı sabaqtaryna arnalǵan joldardy salamyz. Sonymen qatar qala turǵyndaryna unaǵan velojol jelisin keńeıtýdemiz.

1 

«Jasyl beldeý» mańynda qoldanystaǵy ıppodrom bazasynda erekshe qajettiligi bar balalardy ońaltýǵa arnalǵan at-sport kesheniniń qurylysyn júrgizip jatyrmyz. Ippodrom bazasyn 3 baǵyt boıynsha damytamyz: ıppoterapııa, ulttyq jáne klassıkalyq sport túrlerin ótkizý jáne daıyndaý, sondaı-aq týrıstik marshrýttar – bul jerde atpen serýendeý damytylady.

Osylaısha «jasyl beldeý» qala qalqanynan basqa, qala turǵyndary men qonaqtary úshin tartylys orny bolyp tabylady, ol taza aýada ýaqyt ótkizý úshin barynsha qolaıly jáne tartymdy», dep jazdy elorda ákimi.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar