Iorkshırdegi vırýsolog mamandar koronavırýstyń jańa túrine VUI-21MAY-01 nemese AV.1 dep atalatyn genderdiń erekshe kombınasııasy tán ekenin aıtty.
Búginde elde jańa shtamdy juqtyrǵan 49 jaǵdaı anyqtalǵan. Olar negizinen Iorkshır men Hamberde. Biraq onyń vırýstyń basqa túrlerine qaraǵanda tez taraıtyny nemese vaksınalarǵa ımmýnıteti týraly eshqandaı dálel joq. Anglııanyń Qoǵamdyq densaýlyq saqtaý qyzmeti qazirgi ýaqytta jańa mýtasııanyń taralýyn zerttep jatyr.
Ǵalymdardyń aıtýynsha, vırýstyń taralýyn ólsheıtin R kórsetkishi qazir 0,9-dan 1,1-ge deıin kóterilgen. О́tken aptada ol 0,8 bolǵan. Ulybrıtanııa bıligi koronavırýs ınfeksııasynyń kez kelgen mýtasııasynyń taralýyn boldyrmaýǵa kómektesetin qatań sharalar qabyldaýǵa daıyn ekenin málimdedi.
Sheffıldtegi Qoǵamdyq densaýlyq saqtaý dırektory Greg Fell VUI-21MAY-01-di áriptesterimen birge baqylap otyrǵanyn, sondaı-aq shtamnyń taralý jyldamdyǵy týraly málimet joq ekenin aıtty.
Aıta keteıik, Ulybrıtanııada pandemııa kezinde SOVID-19-dyń birneshe nusqasy anyqtalǵan. B. 1.1.7 dep atalatyn «ulybrıtanııalyq» shtamm byltyr tabyldy. Koronavırýstyń bul shtamy burynǵyǵa qaraǵanda 64 paıyzǵa qaýipti ekeni aıtylǵan bolatyn.
