Kezdesý barysynda kún tártibine sáıkes qaralǵan taqyryptardyń biri stýdentter men oqytýshylardyń qaýipsizdik máseleleri tóńireginde boldy.
Mınıstr bilim ordalaryndaǵy qural-jabdyqtarǵa túgendeý júrgizý, beınekameralardyń jedel basqarý ortalyqtaryna qosylýyn qamtamasyz etý, joǵary oqý oryndaryna kirgizý rejımin kúsheıtýdi jáne stýdentter arasynda oqý-jattyǵý sabaqtaryn ótkizýdi tapsyrdy.
Osy oraıda ol jataqhanalarda pysyqtalýy tıis qaýipsizdikti kúsheıtý sharalary da aıtyldy.
«Qazandaǵy qaıǵyly jaǵdaı mektepter men kolledjderdegi qaýipsizdikti kúsheıtý qajettigin kórsetti. Osyndaı qorqynyshty jaǵdaılardyń qaıtalanýyna jol bermeý úshin mekteptermen qosa, ýnıversıtetterde de qaýipsizdik sharalaryn kúsheıtýimiz kerek. Stýdentter men oqytýshylar tótenshe jaǵdaılarda ózin qalaı ustaý kerektigin bilýi tıis. Biz qolda bar jabdyqtardy tekserip, qajet bolǵan jaǵdaıda qosymsha jabdyq ornatýymyz kerek. Qaýipsizdik sharalary qoldanylyp, oqý jattyǵýlary neǵurlym jıi ótkiziletin bolsa, bizdiń balalarymyzdyń da qaýipsizdigi soǵurlym arta túsedi», dep atap ótti mınıstr Ashat Aımaǵambetov.
