Eńbek jáne halyqty áleýmettik qorǵaý mınıstri Serik Shápkenov, «Báıterek» UBH» AQ basqarma tóraǵasy Aıdar Áriphanov, Almaty oblysynyń ákimi Amandyq Batalov, Soltústik Qazaqstan oblysynyń ákimi Qumar Aqsaqalov, Shymkent qalasynyń ákimi Murat Áıtenov baıandama jasady.
«Jumyspen qamtýdyń jol kartasyn iske asyrý jumys oryndarymen qamtamasyz etý jáne halyqtyń ál-aýqatyn jaqsartý boıynsha óziniń joǵary tıimdiligin kórsetti. Memleket basshysy Qasym-Jomart Toqaevtyń tapsyrmasy boıynsha Jumyspen qamtýdyń jol kartasynyń 2021 jylǵa arnalǵan baǵdarlamasyn keńeıtýdi qosa alǵanda, keshendi sharalar qabyldandy», dedi A. Mamın.
Premer-Mınıstr bıyl JQJK oryndaý aıasynda ınfraqurylymdyq jobalardy iske asyrý, kásipkerlik pen agrarlyq sektordy damytý arqyly turaqty jumys oryndaryn qurýǵa erekshe nazar aýdarylatynyn atap ótti.
О́ńirlerde joldardy, medısınalyq jáne bilim berý uıymdaryn salýǵa jáne jóndeýge baǵyttalǵan 127,5 mlrd teńgege ınfraqurylymdyq jobalar iske asyrylatyn bolady.
«Atameken» UKP men ákimdikterdiń qatysýymen mıkroqarjy uıymdary arqyly 22,5 mlrd teńge somasyna bıznes-jobalardy qarjylandyrý josparlanýda. О́ńirlerde kásipkerlikti damytýǵa 50 mlrd teńge baǵyttalady.
Agroónerkásiptik keshenniń ınvestısııalyq jobalaryn qarjylandyrýǵa «Báıterek» UBH» AQ arqyly 100 mlrd teńge baǵyttaý josparlanýda.
«Jalpy, Jumyspen qamtý jol kartasyn iske asyrýǵa bıyl 300 mlrd teńge bólindi, 35,6 myń jumys orny, onyń ishinde 20 myńnan astam turaqty jumys orny qurylady», dedi A. Mamın.
Úkimet basshysy Jumyspen qamtý jol kartasynyń barlyq baǵyttaryn sapaly ári ýaqytyly iske asyrýdy, sondaı-aq ınvestısııalyq jobalardy qarjylandyrýdy qamtamasyz etýdi tapsyrdy.
Aýyl sharýashylyǵy mınıstrligine Eńbek jáne halyqty áleýmettik qorǵaý mınıstrligimen, sondaı-aq basqa da múddeli memlekettik organdarmen birlesip, aýyl sharýashylyǵy jobalaryn qarjylandyrý jónindegi is-sharalardyń tıimdiligin baǵalaý krıterıılerin ázirleý tapsyryldy.
«Turaqty jumys oryndaryn qurýdy erekshe baqylaýda ustaý kerek», dep atap ótti A. Mamın.
