«Kelesi aýqymdy baǵyty – jastar jáne otbasy saıasaty. Resmı statıstıka boıynsha qazir elimizde 3 mıllıon 765 myń jastar ókili bar. Bul halyqtyń 20,4 paıyzy. 500-den astam jastar uıymy qyzmet etedi. О́kinishke qaraı, byltyrǵy pandemııa shekteýlerine baılanysty birqatar joba toqtatylǵan bolatyn. Birazy onlaın formatqa aýystyryldy. Dese de, negizgi josparly jumys saqtalyp 22 áleýmettik joba iske asty. Onyń aıasynda 300 myńnan astam adamdy qamtyǵan, 200-den astam is-shara uıymdastyryldy», dedi mınıstr.
Mınıstrdiń aıtýynsha, bul kezeńdegi jumysta negizinen aqparattyq-keńes berýge basymdyq berildi. Jastardy qoldaýǵa arnalǵan túrli memlekettik baǵdarlamalar, jobalar men bastamalar boıynsha 11 mıllıon adamǵa keshendi aqparattyq-túsindirý jumystary júrgizildi.
Qazirgi tańda jastar jáne otbasy saıasaty baǵytynda 12 grant jobasy oryndalýda. Jyl aıaǵyna deıin taǵy 12 joba iske qosylady. Sonymen qatar, bıyl «Táýelsizdik urpaqtary» túrli saladaǵy talantty jastardy qoldaýǵa arnalǵan 30 grant jobasyn usyný josparlanyp otyr.
«2020 jyly Jastar jylynyń jol kartasy aıasynda Nur-Sultan, Almaty, Shymkent qalalaryndaǵy jumysshy jastar 1 myńnan jaldamaly páterge qol jetkizdi. 2021 jyly taǵy 3 myń páter beriledi. Byltyrǵy eseptik kezdesýde «Jastardy qoldaýdyń 2025 jylǵa deıingi keshendi jospary» ázirlenip jatqany aıtylǵan bolatyn. Sapaly bilim, turǵyn úı, jumyspen qamtý, mádenı-rýhanı qoldaý syndy 10 negizgi baǵyttan turatyn jospar búginde tolyq qabyldanyp, naqty iske asyp jatyr», dedi Aıda Balaeva.
Odan ózge vedomstvo basshysy jastar saıasaty saladaǵy máselelerge de toqtaldy.
«Sońǵy zertteýler nátıjesi – jastar arasynda úsh negizgi máseleniń ózektiligin anyqtady. Atap aıtqanda: sapaly bilim, jumyspen qamtý jáne turǵyn úı. Iаǵnı, júıeli túrde sheshýdi talap etetin suraqtar. Al bul óz kezeginde strategııalyq qujattar keshenin qabyldaýdy kózdeıdi. Birinshi – «Memlekettik jastar saıasaty máseleleri boıynsha keıbir zańnamalyq aktilerge ózgerister engizý týraly» zań jobasy. Onyń aıasynda «Jastar damýynyń ındeksi», «NEET» jastar kategorııasy» sııaqty jańa uǵymdar zańmen bekitiletin bolady. Ekinshi – «Táýelsizdik urpaqtary» ulttyq jobasy. El táýelsizdiginiń 30 jyldyǵy aıasynda Memleket Basshysy jastar saıasaty salasyndaǵy barlyq baǵdarlamany tutas bir ulttyq jobaǵa biriktirýdi tapsyrǵan bolatyn. Búginge deıin barlyq óńirde qoǵamdyq tyńdaýlar ótip, 100 den astam usynys jobaǵa engizildi», dedi mınıstr.
Aıda Balaeva atalǵan qujat jastar saıasaty salasynda barlyq memlekettik organdardyń jumysyn bir júıege keltirip, ıdeologııalyq baǵyttan – bazalyq qajettilikke deıingi máselelerdi qamtıtynyn basa aıtty.
«Sondaı-aq «NEET» jastar kategorııasymen jumys jóninde Respýblıkalyq jobalyq keńse jumysyn bastady. Onyń aıasynda, osy kategorııadaǵy jastardyń biryńǵaı málimet bazasyn qurý, aqparattyq-túsindirý jumystaryn kúsheıtý, naqty usynystar ázirleý jáne adrestik jumys bólimderin ashý kózdelip otyr», dedi Aıda Balaeva.
