Qazir polımer men aralas qaptama (tetrapak) qaldyǵyn qaıta óńdeý keshenderin salýǵa qatysty jobalar konkýrstyq irikteýden ótip jatyr. О́ńirlerde QTQ-ny bólek jınaýdy damytýǵa arnalǵan nysandar iske qosylyp, tıisti ınfraqurylym damyǵanda 2025 jylǵa deıin qaıtalama shıkizatty (metall, plastık, shyny jáne plastık) óńdeý kólemin 30%-ǵa deıin jetkizýge múmkindik týady. Qaıta óńdeýge jaramaıtyn qaldyqtar Ekologııalyq kodekske sáıkes, energııaǵa aınaldyrý (Waste to Energy) zaýyttaryna jiberiletin bolady.
«Qaldyqty bólip jınaý jáne depozıttik-kepildik júıesin engizý arqyly qaldyqtyń 30%-yn qaıta kádege jaratýǵa jol ashylady. Qaıta óńdeýge kelmeıtin qaldyqtyń 20%-y órteýge jiberilmeıdi. Qalǵan qaldyqtar qatty lastanǵan jáne búginde olardy joıýdyń jalǵyz joly – energetıkalyq kádege jaratý», dedi Ekologııa, geologııa jáne tabıǵı resýrstar vıse-mınıstri Ahmetjan Pirimqulov.
Taıaýda mınıstrlik qaldyqtardy energııaǵa aınaldyrý jobalaryna baılanysty aýksıondy saýda-sattyq jarııalaǵan edi. Waste to Energy (Qaldyqty energetıkalyq kádege jaratý) keshenderin Aqtóbe, Almaty, О́skemen, Nur-Sultan, Qaraǵandy jáne Shymkent qalalarynda iske qosý josparlanýda. Zaýyttardyń qurylysy ınvestorlardy tartý esebinen júrgizý kózdelip otyr. Investorlarǵa qoıylatyn basty talap – Eýropalyq Parlament pen Eýropalyq odaq keńesiniń arnaıy dırektıvasynyń normasyna sáıkes, tútin gazyn tazartýdyń 5 satyly júıesin ornatý. Bolashaq zaýyttar zııandy qaldyqty baqylaıtyn avtomattandyrylǵan júıemen jabdyqtalady. Qazir jer ýchaskelerin berý jáne ınfraqurylym júrgizýge qatysty máseleler pysyqtalyp jatyr. Boljam boıynsha 6 zaýytty iske qosý nátıjesinde 2025 jylǵa qaraı qaldyq óńdeý kólemi 30%-ǵa deıin jetkizilýi tıis. О́rteýge kelmeıtin qaldyqtar kólemi 20%-dy qurasa, qalǵan qaldyqty energııaǵa aınaldyrý josparlanyp otyr.
