Oqıǵa • 27 Mamyr, 2021

Jaıylymnan jylqy urlaǵan áıel ustaldy

823 ret kórsetildi

Túrkistan oblysynda polıseıler jylqy urlaǵan áıeldi ustady, dep habarlaıdy Egemen.kz Polisia.kz saıtyna silteme jasap.

Túlkibas APB-ǵa jergilikti turǵyn jaıylymda júrgen quny 800 myń teńge bolatyn bıesin belgisiz bireýlerdiń urlap ketkenin habarlaǵan. Atalǵan jaıtty polısııa qyzmetkerleri QR QK-niń 188-baby (Urlyq) boıynsha SDTTBT-ǵa tirkedi.

Mal urlyǵyn ashý maqsatynda Túlkibas APB-nyń asa tájirıbeli polıseıleri qatarynan jedel-tergeý toby quryldy. Olar ýchaskelik ınspektorlarmen birge jaqyn mańdaǵy barlyq jaıylymdar men sharýashylyq aýlalardy aralap, kýágerlerden surastyryp, úı malyn tasymaldaıtyn avtokólikterdi muqııat tekserip, barymtashylardy izdestirý jáne ustaý boıynsha basqa da is-sharalardy júzege asyrdy.

Jedel-izdestirý is-sharalarynyń nátıjesinde Túlkibas APB polısııa qyzmetkerleri orta jastaǵy kúdikti áıeldi anyqtap bólimshege jetkizdi. Kúdikti mal urlyǵyn paıdakúnemdik maqsatta jasaǵanyn moıyndady.

Belgili bolǵandaı kúdikti áıel jaıylymda jalǵyz júrgen jylqyny urlap, qylmys ornynan qashyp ketken. Sodan keıin ol urlanǵan maldy 350 myń teńgege satyp, aqshany qajetine jumsaǵan. Urlanǵan jylqyny tártip saqshylary tárkilep alyp, zańdy ıesine qaıtardy.

Qazirgi ýaqytta bótenniń múlkin urlaý baby boıynsha sotqa deıingi tergeý júrgizilýde. Polıseıler oqıǵanyń mán-jaıyn jáne mal urlyǵynyń basqa da uqsas qylmystarǵa qatysy baryn anyqtap jatyr.

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar