Forýmnyń uıymdastyrýshylary: Qazaqstan Respýblıkasynyń Tuńǵysh Prezıdenti – Elbasy kitaphanasy, Nursultan Nazarbaev qory, Qazaqstan Respýblıkasy Aqparat jáne qoǵamdyq damý mınıstrligi.
Forýmnyń plenarlyq otyrysyna Qazaqstan Respýblıkasynyń Memlekettik hatshysy Q. Kósherbaev, Qazaqstan Respýblıkasynyń Tuńǵysh Prezıdenti – Elbasy kitaphanasynyń dırektory B.Temirbolat, «Nur Otan» partııasy tóraǵasynyń birinshi orynbasary B. Baıbek, Nur-Sultan qalasynyń ákimi A. Kólginov, Qazaqstan Respýblıkasynyń Aqparat jáne qoǵamdyq damý mınıstriniń orynbasary S.Egizbaev, Nursultan Nazarbaev qorynyń atqarýshy dırektorynyń orynbasary Á. Marǵulanuly, Qazaqstan Respýblıkasy Parlamenti Májilisiniń depýtaty M. Ahmetov, Shanhaı yntymaqtastyq uıymy Jastar keńesi hatshylyǵynyń basshysy A. Karpenko, «Halyqaralyq baǵdarlamalar ortalyǵy» AQ prezıdenti A. Qarbozova, «Reseı Jastar Odaǵy» jalpyreseılik qoǵamdyq uıymynyń tóraǵasy P.Krasnorýskıı, Qyrǵyz Respýblıkasy Jastar parlamentiniń jetekshisi N. Joldoshova, «Belarýs respýblıkalyq jastar odaǵy» qoǵamdyq birlestigi Ortalyq komıtetiniń birinshi hatshysy, Belarýs Respýblıkasy Ulttyq Respýblıka keńesiniń múshesi D. Voronıýk, sondaı-aq «Qazaqstannyń 100 jańa esimi» jobasynyń jeńimpazdary qatysady.
Plenarlyq otyrys barysynda jastar kóshbasshylaryna Almaty qalasy men oblys ákimderiniń onlaın-úndeýi josparlanǵan.
Paneldik sessııalar «Oren space» formatynda ótedi.
Basqosýda qazaqstandyq jas sportshylar, ǵalymdar, ártister men kásipkerler qazirgi kezeńdegi jahandaný úderisterinde jastardyń rólin aıqyndaýdyń ózekti máselelerin talqylamaq. Forým sońy qazaqstandyq estrada juldyzdarynyń qatysýymen ótetin konserttik baǵdarlamaǵa ulasady.
