Qazaqstan • 07 Maýsym, 2021

Ǵalymdar Medsupport.kz qaýymdastyǵyna QazVac týraly jaýap qaıtardy

65 ret kórsetildi

Buǵan deıin Medsupportkz uıymy áleýmettik jelide qazaqstandyq vaksınany alýǵa keńes bere almaıtyndaryn jazyp, vırýsty óltirýde formaldegıdti qoldanýǵa kúmán keltirgen edi. Ǵylym komıtetiniń Bıologııalyq qaýipsizdik problemalary ǵylymı zertteý ınstıtýty QazVac vaksınasy týraly Medsupportkz qaýymdastyǵynyń jarııalanymyna pikir bildirdi, dep habarlaıdy Egemen.kz Bilim jáne ǵylym mınıstrligine silteme jasap.

«QazVac vaksınasyn ázirleý prosesinde vırýstyń belsendiligin joıý úshin is júzinde formaldegıd paıdalanylady. Bul otandyq farmakopeıada shektelmegen dástúrli ádis bolyp sanalady. Vaksınanyń qaýipsizdigi men tıimdiligine kelsek, ony óndirý barysynda elektrondyq mıkroskopııa arqyly vırýstyń morfologııalyq tutastyǵy men qaýipsizdigi birneshe ret tekseriledi. Klınıkalyq zertteýlerdiń barlyq úsh fazasynda klınıkaǵa deıingi synaqtardaǵy janýarlardy jáne vaksınasııalanǵan eriktilerdi taldaý nátıjeleri olardyń qan sarysýynda COVID-19 ınfeksııasynyń aldyn alatyn ári beıtaraptandyratyn antıdeneler paıda bolǵandyǵyn kórsetedi. Osylaısha, QazVac vaksınasyn óndirýde formaldegıdti qoldaný onyń antıgendigi men ımmýnogendiligin tómendetpeıdi», delingen BǴM Ǵylym komıtetiniń Bıologııalyq qaýipsizdik problemalary ǴZI habarlamasynda.

QazVac vaksınasyn ázirleýshiler klınıkaǵa deıingi jáne klınıkalyq zertteýlerdiń nátıjeleri boıynsha osy jyldyń shilde aıynda bedeldi álemdik ǵylymı basylymdarda jarııalanatyn eki ǵylymı maqalany daıyndady. Qazirgi ýaqytta maqalalar resenzııalaýdan ótip, baspaǵa qabyldandy.

«Ǵalymdar men dárigerler qaýymdastyǵynyń @medsupportkz málimdemesinde QazVac vaksınasyn daıyndaýda formaldegıdti qoldanýǵa qatysty alańdaýshylyqtary oryndy. Shynynda da, vırýsty beıtaraptandyrý úshin qoldanylatyn formaldegıd vaksınanyń antıgendik qasıetterin buzyp, onyń tıimdiligin tómendetýi múmkin. Sondyqtan vaksınaǵa tolyqqandy baǵa berý úshin klınıkalyq synaqtardyń úshinshi fazasy júrgiziledi. Qazir QazVac vaksınasy boıynsha klınıkalyq synaqtardyń úshinshi kezeńin aıaqtap jatqanyn bilemiz. Sarapshylar quramynda bolyp, klınıkalyq zertteýlerdiń birinshi jáne ekinshi fazalarynda alynǵan nátıjelermen muqııat tanystym. Zerteý nátıjeleri vaksına alǵan adamdarda kúshti jasýshalyq ımmýnıtet jáne jetkilikti antıdeneniń qalyptasýyn aıqyn kórsetti dep aıta alamyn. Bul otandyq QazVac vaksınasyn óndirý kezinde belsendiligi joıylǵan vırýs óziniń antıgendik qasıetterin joǵaltpaıdy, ıaǵnı formaldegıdti qoldaný tolyǵymen negizdelgen degendi bildiredi. Bul derekter álemdegi eń bedeldi medısınalyq basylymdardyń birinde jarııalanady», deıdi Ulttyq bıotehnologııa ortalyǵynyń bas dırektory E. M. Ramanqulov.

Sarapshy vaksınanyń tıimdiligin baǵalaýdyń naqty ádisi jóninde aıtyp berdi.

«Atap aıtsaq, koronavırýsqa tán antıdeneleri bar vaksınalanǵan eriktilerdiń úlesin esepteý. Árıne, bul ádis – vaksınany engizý boıynsha ımmýndyq reaksııanyń janama kórsetkishi ǵana. Alaıda, vaksına tıimdiliginiń basty ólshemi emes. Otandyq QazVac vaksınasynyń tıimdiligin naqty baǵalaý osy jyly shilde aıynyń ortasynda vaksına alǵan eriktiler men plasebo toptary arasynda COVID-19 naýqastarynyń sany eskeriletin klınıkalyq synaqtardyń úshinshi kezeńi aıaqtalǵannan keıin esepteledi», deıdi E. Ramanqulov.

Sonymen birge, S. Asfendııarov atyndaǵy QazUMÝ rektory Talǵat Nurǵojın atalǵan málimdemege óz pikirin qosty.

«Otandyq QazVac vaksınasy óziniń qaýipsizdigi men ýyttylyǵynyń joqtyǵyn zerthanalyq janýarlarǵa júrgizilgen tájirıbeler barysynda dáleldedi. Sodan keıin vaksınanyń qaýipsizdigi klınıkalyq zertteýlerdiń birinshi jáne ekinshi kezeńinde eriktiler tobynda rastaldy.

QazVac vaksınasynyń vırýsqa qarsy belsendiligi men klınıkalyq tıimdiligi klınıkalyq synaqtardyń úshinshi fazasynyń birinshi jartysynyń nátıjeleri boıynsha da dáleldendi. Formaldegıd ártúrli vaksınalar óndirisinde uzaq ýaqyt boıy paıdalanylyp keledi. Máselen, ol tyrysqaqqa qarsy vaksınalarda, balalarǵa arnalǵan áıgili polıvalentti vaksınalarda kezdesedi. Formaldegıd pen COVID-19 vırýsynyń ózara árekettesýi týraly birneshe maqalalar jarııalandy.

Formaldegıd vırýstyń belsendiligin joıý úshin qoldanylady, al vırýstyń quramyna kiretin S-proteınniń ózi konformasııalyq ózgeristerge ushyramaıdy. S-proteınge reaksııa retinde antıdeneler túzilip, nátıjesinde aǵzanyń ımmýndyq reaksııasy paıda bolady», deıdi T. Nurǵojın.

Sońǵy jańalyqtar

Beıbit Isabaev jańa qyzmetke taǵaıyndaldy

Taǵaıyndaý • Búgin, 10:55

Qarý urlap, úılerdi tonaǵan

Aımaqtar • Búgin, 10:35

Vaksına saldyrǵandar sany ósti

Koronavırýs • Búgin, 10:20

Oraldyq ǵalymdar halyqaralyq grant utty

Aımaqtar • Búgin, 10:10

«Qyzyl» aımaqtyń qatary sıremeı tur

Koronavırýs • Búgin, 09:45

2236 adam koronavırýstan jazyldy

Koronavırýs • Búgin, 09:30

Qazaqstanda qasqyr azaıyp barady

Ekologııa • Búgin, 09:15

Syılyq ıeleri jarııa etildi

Fýtbol • Búgin, 08:58

Rahmanberdiniń qustary

Aımaqtar • Búgin, 08:51

Baltyq jaǵalaýyndaǵy báseke

Sport • Búgin, 08:42

Qazaq bıine qumartqan qyz

О́ner • Búgin, 08:40

Irikteý jarystary aıaqtaldy

Qysqy sport • Búgin, 08:37

О́ńirde baǵa baılaýǵa kónbeı tur

Aımaqtar • Búgin, 08:33

Kúrdeli jóndeýdi qajet etedi

Aımaqtar • Búgin, 08:30

Úshinshi chempıonattan úmitimiz kóp

Fýtbol • Búgin, 08:28

Táýelsizdik tusynda túgendelgen mura

Qazaqstan • Búgin, 08:27

О́simdik maıyn óndire almaımyz ba?

Qazaqstan • Búgin, 08:22

Eki aýylǵa gaz jetti

Aımaqtar • Búgin, 08:20

Keshendi jospar – turaqtylyq kepili

Ekonomıka • Búgin, 08:18

Aqyldy Úkimet halyqty ashyndyrmaıdy

Qazaqstan • Búgin, 08:11

Halyq senimine syzat túspeýi kerek

Qoǵam • Búgin, 08:07

Sot segiz myńnan astam is qaraǵan

Qazaqstan • Búgin, 08:04

Ortaq energetıkalyq naryq qurylady

Úkimet • Búgin, 08:02

«Omıkron» órship barady

Koronavırýs • Búgin, 08:00

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Uqsas jańalyqtar