Dúnıejúzilik muhıttar kúninde National Geographic kartograftary men AQSh ulttyq geografııalyq qoǵamy Ońtústik dep atalatyn jerdegi besinshi muhıttyń bar ekenin moıyndady. 2021 jyldyń 8 maýsymynan bastap uıymdar ony kartalarda belgileı bastaıdy.
Ǵalymdar Ońtústik muhıt termınin Antarktıkany qorshap turǵan teńizderdi kórsetý úshin burynnan qoldanyp kelse de, besinshi muhıttyń shekaralaryn belgileıtin halyqaralyq kelisim áli joq. Sarapshylar ony Antarktıkaǵa, álde, Úndi, Atlant jáne Tynyq muhıttarynyń ońtústik aımaqtaryna jatqyzý durys pa degen suraqty zerttegen.
«Ońtústik muhıtty ǵalymdar burynnan biledi. Biraq halyqaralyq kelisim bolmaǵandyqtan, biz ony eshqashan resmı túrde moıyndamadyq», deıdi Ulttyq Geografııalyq qoǵamnyń geografy Aleks Teıt.
Endi Ońtústik muhıt termıni Antarktıkany qorshap turǵan jáne Atlant muhıtynyń ońtústigine jatatyn, Dreık buǵazy men Skosha teńizin qospaǵanda, Ońtústik endikten 60 gradýsqa deıin sozylatyn sýlarǵa qatysty aıtylady. Basqa tórt muhıttan aıyrmashylyǵy - Ońtústik muhıttyń shekaralary materıkpen emes, antarktıkalyq sırkýmpolıarly aǵyspen jáne batystan shyǵysqa qaraı Antarktıda aınalasynan ótetin Batys jelderiniń aǵymymen anyqtalady. Aǵyndy sý Ońtústik endikten 60 gradýs soltústikte ornalasqan sýlarǵa qaraǵanda sýyq ári tuzdylyǵy azdaý bolady.
