Ernar Myrzaqulovqa pandemııa kezinde bıýdjet qarjysyn bas paıdasyna jumsaǵan degen aıyp taǵyldy.
Shamamen 1,4 mlrd teńgege apparat satyp alý boıynsha tender ótip, alaıda eks-sheneýnik jalǵan qujat jasap, oǵan ózge quraldar satyp alǵan. Al, kelisimge kelip, dalada qalǵan kompanııa ekonomıkalyq tergeý departamentine aryzdanǵan.
Osydan keıin bar bylyq ashylyp, laýazymyn asyra paıdalanǵan Myrzaqulov 3 jylǵa sottaldy. Jáne ómir boıy memlekettik qyzmet atqarý quqyǵynan aıyryldy. Sot úkimi áli zańdy kúshine engen joq.
«Ol kelisimshart túzip, bir jarym aıdan keıin aqshany aýdarmaı, basqa tender ótkizip, basqa zattarǵa aqshasyn paıdalanǵan», dedi ál-Farabı aýdandyq sotynyń sýdıasy Sábıt Tórehanov.
Bıýdjettiń 1 mlrd 391 mln 587 myń teńgesin óz aqshasyndaı kórgen eks-sheneýnikke berilgen jazanyń jumsaqtyǵyn sýdıalar ózinshe túsindirdi.
«Densaýlyq saqtaý basqarmasy basshysynyń burynǵy orynbasary otbasynyń jalǵyz asyraýshysy. Ári 4 balany baǵyp otyrǵan onyń bir perzenti múgedek eken. Keshe qamaýǵa alǵandaǵy aýrýhanada jatqan. Aýyzsha aıtqanda gryja. Ol qımyldaı almaıdy. О́zi júre almaıdy qazir», dedi ál-Farabı aýdandyq sotynyń sýdıasy Sábıt Tórehanov.
