«Tuńǵysh Prezıdent – Elbasy Nursultan Nazarbaev adamı kapıtaldy damytý – ornyqty ekonomıkalyq damýdyń negizi jáne ınnovasııanyń basty qozǵaltqysh kúshi ekenin árdaıym atap ótedi. Jahandyq básekelestikke óz adamı kapıtalyn ilgeriletetin elder ǵana jeńiske jetedi.
Memleket basshysy Qasym-Jomart Toqaev memlekettik saıasattyń negizgi komponenti retindegi adamı kapıtaldyń róline erekshe nazar aýdarady. Prezıdent uly oıshyl Abaı Qunanbaıulynyń 175 jyldyq mereıtoıyna arnalǵan «HHI ǵasyrdaǵy Abaı jáne Qazaqstan» atty maqalasynda adamı kapıtaldy damytý, qoǵamnyń zııatkerlik áleýetin qalyptastyrý men jetildirý ıdeıasyn belgilegeni kezdeısoq emes. Abaıdyń adam men qoǵam, bilim men ǵylym, memleket pen Úkimet týraly murasy óziniń mańyzylyǵyn joǵaltpaı, árbir dáýir úshin ózekti dep senimmen aıtýǵa bolady.
Búgingi tańda adamı kapıtal ortalyq resýrstyq paradıgma, eldiń negizgi strategııalyq jáne baǵdarlamalyq qujattarynyń basym baǵyty.
Atap aıtqanda, elimizdiń 2025 jylǵa deıingi damýynyń Ulttyq josparynda jáne Memlekettik basqarýdyń 2030 jylǵa deıingi jańa tujyrymdamasynda «adamǵa baǵdarlaný» uǵymy aıqyndalǵan, ol júrgizilip jatqan aýqymdy reformalar sheńberinde basty qundylyq azamat pen olardyń ál-aýqaty ekenin bildiredi.
Memleket basshysynyń bastamasy boıynsha Prezıdenttik Jastar kadrlyq rezerviniń jas basqarýshylar pýly quryldy. Sol arqyly neǵurlym talantty jáne kásibı daıarlanǵan jastar úshin «áleýmettik lıft» múmkindikteri jasaldy.
Jastar kadrlyq rezervi – bul eń aldymen ozyq kózqarastar men ıdeıalardyń tasymaldaýshylary, ınnovasııalyq damýdyń belsendi jaqtaýshylary. Olardyń básekelestiktegi negizgi artyqshylyqtary – bul zamanaýı qajettiliktiń áserinen týyndaǵan bilimi men kreatıvtigi», dedi.
Osydan keıin Aqtoty Raıymqulova Birikken Ulttar Uıymynyń Bas Assambleıasy 2021 jyldy turaqty damý úshin Halyqaralyq kreatıvti ekonomıka jyly dep jarııalaǵanyn, osy baǵytty damytý maqsatynda elimizde Memleket basshysynyń tapsyrmasy boıynsha Kreatıvti ındýstrııalardy damytý tujyrymdamasyn ázirleý jumysy bastalǵanyn jetkizdi.
«Kreatıvti ındýstrııanyń negizgi baǵyttary mádenıet pen óner salasyn qamtıtynyn eskere otyryp, Mınıstrlik tujyrymdamalyq tásilderin ázirleý boıynsha uıymdastyrylǵan jumysqa belsendi túrde tartylǵan.
Jalpy alǵanda, kreatıvti ındýstrııa baǵyty joǵary áleýetke ıe. Ol el ekonomıkasyn damytýda ǵana emes, Qazaqstandy halyqaralyq arenada ilgeriletýge, daryndy jastardyń ózin-ózi tanytýyna múmkindik beredi. Búginde Qazaqstanda sapaly kreatıvti ónim jasap jatqan azamattar sany artyp keledi. Qazaqstandyqtar mýzykada, kınorejıssýrada, dızaında, arhıtektýrada, sánde, qolónerde, jarnamada, telekommýnıkasııada jáne BAQ-ta ózderiniń jetistikterin kórsetip keledi.
Sonymen qatar Mádenıet jáne sport mınıstrligi «Eldiń zamanaýı mádenı kelbetin qalyptastyrý» ulttyq jobasynyń quramynda «El rýhy» jeke baǵytyn ázirleý boıynsha belsendi jumys istep jatyr. Bul baǵyt sheńberinde mádenıettiń áleýmettik-ıdeologııalyq mıssııasyn bekitý jáne óskeleń urpaqty tárbıeleý, sondaı-aq kreatıvti ındýstrııalardy yntalandyrý jolymen talantty jastardy damytý úshin jaǵdaılar jasaý arqyly ulttyq biregeılikti qalyptastyrýǵa baǵyttalǵan jobalar iske asyrylatyn bolady.
Adamı kapıtaldy damytýdyń taǵy bir mańyzdy kórsetkishi halyqtyń salaýatty ómir salty daǵdylaryn qalyptastyrý. Rýhanı jáne dene tárbıesin mektep qabyrǵasynan qalyptastyrý qajet. Buqaralyq sportty damytý men salaýatty ómir saltyn nasıhattaý jónindegi keshendi sharalardyń barlyǵy «Deni saý ult» ulttyq josparynyń jobasynda kórinis tapty.
Memleket basshysy Qasym-Jomart Toqaevtyń tapsyrmasyn oryndaý maqsatynda alǵash ret balalar men jasóspirimderge arnalǵan memlekettik shyǵarmashylyq jáne sporttyq tapsyrystar mehanızmi engizildi. Memlekettik shyǵarmashylyq jáne sporttyq tapsyrysty iske asyrý bıyl 1 mamyrdan bastaldy. Bul shara 4 jastan 18 jasqa deıingi balalardyń aqysyz negizde shyǵarmashylyq úıirmeler men sport seksııalaryna barýyn qamtamasyz etýge múmkindik beredi. Kez-kelgen ekonomıkalyq júıeniń tıimdi qyzmeti úshin rýhanı baı, jan-jaqty adamı kapıtaldy qura otyryp, salaýatty beınege ǵana emes, sonymen qatar shyǵarmashylyq damytýǵa da yqpal etedi. Alǵa qoıylǵan mindetterdi iske asyrýda Mádenıet jáne sport mınıstrligi óz tarapynan talanttardy anyqtaý men ulttyń shyǵarmashylyq jáne sporttyq áleýetin damytý boıynsha jumysyn jalǵastyratyn bolady», dep aıtty mınıstr.
