ShQO Polısııa departamenti baspasóz qyzmetiniń málimetine súıensek, «Mıgrant» jedel aldyn alý sharasy aıasynda kóshi-qon zańnamasyn buzǵan 464 sheteldik ákimshilik jaýapkershilikke tartyldy. Onyń ishinde 21 shetel azamaty Qazaqstan Respýblıkasynan tysqary shyǵaryldy.
«Elimizdiń 192 azamaty kóship kelýshilerdiń óz úılerinde bolýy týraly ishki ister organdaryna ýaqtyly habarlamaǵan. Sondaı-aq sheteldikterdi ýákiletti organnyń ruqsatynsyz eńbekke tartqan 26 jumys berýshige aıyppul salyndy», delingen habarlamada.
Budan bólek, jedel aldyn alý sharasy aıasynda qos azamattyǵy bar 3 adam anyqtaldy.
