NEET sanatyndaǵy jastar degenimiz – jumys istemeıtin (jumyssyzdar jáne jumys kúshinen tys adamdar), bilim alýmen nemese kásiptik oqytýmen aınalyspaıtyndar, bilim berý júıesi men jumyspen qamtý sferasynan tys jastar sanaty.
«Jastar saıasaty máseleleri basqarmasynyń qoldaýymen jastardy qoldaý ortalyǵy ashyldy. Munda biz NEET sanatyndaǵy jastarmen jumys isteımiz. Olar 18-29 jas aralyǵynda. Bul sanatqa oqý aqysyn tóleýde qıyndyq týyndaǵan jastar, frılanser sekildi jastar jatady. Ortalyqta semınar-trenıngter, qysqa merzimdi kýrstar men túrli is-sharalar uıymdastyrylady. Quqyqtyq jáne psıhologııalyq keńes berilip, jastar jumysqa ornalastyryldy», deıdi Jastardy qoldaý ortalyǵynyń áleýmettik qyzmetkeri Ásem Oralhanova.
2021 jyldyń birinshi toqsanynda NEET jastarynyń respýblıkadaǵy úlesi 6,8%-dy qurady. Elordada 2021 jyldyń birinshi toqsanynda NEET jastarynyń úlesi 7%-dy qurady, bul 2020 jyldyń sáıkes kezeńinen joǵary (2020 jyldyń birinshi toqsany – 6,9%).
«Ortalyǵymyzda qazaq, aǵylshyn, arab tilderin, sol sııaqty jol qozǵalysy erejelerin, gıtarada oınaýdy úıretetin tegin úıirmeler bar», deıdi Jastardy qoldaý ortalyǵynyń zańgeri Erik Qojahmetov.
Jyl basynan beri ortalyqqa NEET sanatyndaǵy jáne probasııa qyzmetiniń esebinde turǵan 18-29 jas aralyǵyndaǵy 132 adam qabyldandy. Ortalyq Abaı kóshesi 92/3 mekenjaıynda ornalasqan.
