Ýgandanyń bokstan Olımpıada quramasynyń múshesi COVID-19-ǵa synama tapsyrǵanda oń nátıje kórsetken. Bul sheteldik qurama múshesinen ınfeksııa anyqtalǵan birinshi jaǵdaı. Tokıoda ótetin Olımpıada qatysýshylaryna synama tapsyrý mindetti sanalady.
Ýgandalyq sportshy eki ret synama tapsyryp, ekeýi de oń nátıje kórsetkennen keıin oqshaýǵa alynǵan. Keıin Ýgandadan kelgen toǵyz sportshynyń bári AstraZeneca vaksınasyn alǵany jáne bortqa otyrar aldynda PTR-synamasy teris nátıje kórsetkeni anyqtaldy.
Aıta keteıik, Tokıo Olımpıadasy 2020 jyldyń 24 shildesi men 9 tamyzy aralyǵynda ótýi kerek edi. Pandemııaǵa baılanysty jarystar bir jylǵa keıinge qaldy jáne qazir 2021 jyldyń 23 shildesi men 8 tamyzy aralyǵynda ótedi. Uıymdastyrýshylar olıpıadany sheteldik jankúıersiz ótkizýge jáne jarystardy kórýge arnalǵan aımaqtardy uıymdastyrýdan bas tartty.
