Qazaqstan • 21 Maýsym, 2021

Qazaqstanda koronavırýstyń jańa túri taralýy múmkin

69 ret kórsetildi

Qazaqstan Respýblıkasynyń Densaýlyq saqtaý mınıstrligi aınalymda «úndilik» shtamnyń bolý yqtımaldylyǵyn anyqtady, dep habarlaıdy Egemen.kz.

Nur-Sultan qalasynda koronavırýstyq ınfeksııamen syrqattanýshylyq deńgeıiniń kúrt ósýine baılanysty Densaýlyq saqtaý mınıstrligi KVI juqtyrǵan naýqastardan alynǵan oń zerthanalyq úlgilerdiń PTR skrınıngin ótkizdi.

Skrınıng nátıjeleri boıynsha «Delta» shtamyna (úndilik shtamm) tán mýtasııaǵa kúdikti jaǵdaı anyqtaldy.

Mýtasııanyń bolýyn jáne onyń «Delta» shtamyna jatatyndyǵyn túpkilikti rastaý DNQ úlgilerin tolyq genomdyq sekvenırleý aıaqtalǵannan keıin belgili bolady. «Delta» koronavırýs shtamy asa kontagıozdy jáne anyqtalǵan shtamdarǵa qaraǵanda juqpalylyǵy 60%-ke joǵary, qazirgi aınalymdaǵy shtamdar 1 adamnan orta eseppen 3-4 adamǵa taralatyn bolsa, bul shtamm 5-6 adamǵa birden juǵady jáne 7 kúnge sozylatyn qysqa ınkýbasııalyq kezeńmen sıpattalady.

Sonymen qatar indetti juqtyrǵandar býyndar men ishtiń qatty aýyrsynýyn sezinedi, júrek aınyp, loqsıdy, aýrý saldarynan adam sańyraý bolyp qalýy ábden múmkin jáne aıaqtardyń mıkrotrombozyna ákeledi.

Sońǵy zertteýler kórsetkendeı, koronavırýstyń «Úndilik» shtamy aýrýhanaǵa jatqyzý men ólim-jitimniń joǵary yqtımaldyǵymen baılanysty.

Osyǵan oraı Densaýlyq saqtaý mınıstrligi árbir qazaqstandyqty óz densaýlyǵy men jaqyndarynyń ómirine asa saqtyqpen, jaýapkershilikpen qaraýdy suraıdy.

Infeksııadan qorǵaný men aýrýhanaǵa jatýdan aman qalýdyń birden bir joly COVID-19 vırýsyna qarsy vaksınanyń tolyq kýrsyn alý.

KVI-ge qarsy ekpe alýǵa qarsy kórsetilimderi joq árbir azamatqa qysqa merzimde vaksınalanýǵa keńes beremiz.

Sondaı-aq vırýs taralýynyń aldyn alý maqsatynda barlyq profılaktıkalyq sharalardy qatań oryndaý qajet: maska taǵý, áleýmetik araqashyqtyqty saqtaý, qol gıgıenasy, úı-jaılardy jeldetý, t.b.

Dúnıejúzilik densaýlyq saqtaý uıymynyń 2021 jylǵy 20 maýsymdaǵy málimetteri boıynsha SARS-CoV-2 «Delta shtamm» álemniń 174 elinde anyqtalǵan.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar