Aımaqtar • 23 Maýsym, 2021

Nur Otan azyq-túlik baǵasyn turaqtandyrý máselesin talqylady

41 ret kórsetildi

Áleýmettik mańyzdy azyq-túlik taýarlarynyń baǵasyn ustap turý boıynsha sharalar, sondaı-aq qazaqstandyq taýar óndirýshilerdiń tutynýshylarǵa qoljetimdiligin jeńildetý máseleleri «Nur Otan» partııasy janyndaǵy Ekonomıkany damytý jáne kásipkerlikti qoldaý jónindegi respýblıkalyq qoǵamdyq keńestiń jospardan tys otyrysynda talqylandy, dep habarlaıdy Egemen.kz.

«Bizdiń memlekettik organdar eldegi ınflıasııa 7,5%-dy quraıdy deıdi. Biraq bazarlar men dúkenderge barsańyz, múldem basqa kóriniske kýá bolasyz. Jyl basynan beri áleýmettik mańyzy bar 19 taýardyń 17-siniń baǵalary aıtarlyqtaı aspandap ketti. Atap aıtsaq, sábiz ben kartop – 69-73%-ǵa, kúnbaǵys maıy – 19%-ǵa, pııaz, qant, qaraqumyq jarmasy - 9-10%-ǵa, sút, un - 2-3%-ǵa qymbattady», dep atap ótti Keńes tóraǵasy, Parlament Májilisiniń depýtaty Amanjan Jamalov.

Al aýyl sharýashylyǵy birinshi vıse-mınıstri Aıdarbek Saparov azyq-túlik baǵasynyń ósýine áser etetin faktorlardyń biri retinde alypsatarlardyń qyzmetin aıtty.

«Búginde kartop egistikte 150 teńgeden, al saýda  oryndarynda 300-350 teńge turady. Iаǵnı, alypsatarlar baǵany kóterip otyr. Alaıda, saýda ústemesi satyp alý baǵasynyń 15%-nan aspaýy kerek.   Bul jerde jergilikti atqarýshy organdar jaǵdaıdy baqylaýǵa alyp, jumys isteýi kerek, dedi A.Saparov.

Sondaı-aq Keńes tóraǵasy sınoptıkterdiń boljamy boıynsha qatty qurǵaqshylyq bolatyn Aqmola, Aqtóbe, Shyǵys Qazaqstan, Qostanaı jáne Mańǵystaý oblystarynda azyq-túlik qaýipsizdigin qamtamasyz etý kerektigine nazar aýdardy.

О́z kezeginde Aıdarbek Saparov Keńes múshelerine bul másele aýyl sharýashylyǵy mınıstrliginiń baqylaýynda ekenin aıtty.

Baǵany turaqtandyrý quraly retinde Básekelestikti qorǵaý jáne damytý agenttiginiń tóraǵasy Serik Jumanǵarın baǵalardy boljaý tetigin engizýdi, jylytý jáne sý tasqyny maýsymyna daıyndyq jasaǵan sııaqty, 2-3 aı buryn jemis-kókónis ónimderi tapshylyǵynyń aldyn-alý úshin daıyndyqty júzege asyrýdy, sondaı-aq áleýmettik dúkender ne qoldanystaǵy saýda jelilerinde arnaıy bólimder qurýdy usyndy.

Keńes múshesi, «Talap» qoldanbaly zertteýler ortalyǵynyń dırektory Rahym Oshaqbaev óndirýshilerge óndiris kólemin josparlaýǵa múmkindik beretin ınflıasııany boljaý qajettigin atap ótti.

Sonymen qatar Keńes músheleri aýyl sharýashylyǵy taýarlaryn óndirýshilerdiń ónimdi uzaq merzimdi saqtaý ınfraqurylymyna qol jetkizýin qamtamasyz etýge, sondaı-aq óndirýshiler men jeli klıentteriniń tikeleı baılanysy esebinen kóliktik, logıstıkalyq jáne saýda shyǵyndaryn azaıtýǵa baǵyttalǵan kóterme-taratý ortalyqtary jelisin qurý jónindegi jumysty talqylady.

QR Saýda jáne ıntegrasııa mınıstrliginiń derekteri boıynsha 2021 jyly 5 kóterme-taratý ortalyǵynyń qurylysyn bastaý jáne jumys istep turǵan 2 ortalyqty jańǵyrtý josparlanýda.

О́z kezeginde, Amanjan Jamalov 2020 jylǵy esep boıynsha 413,8 mlrd teńgege jetetin jobanyń joǵary qunyn atap ótti. Bastapqyda barlyq 24 kóterme-taratý ortalyǵyn qurý 237,5 mlrd teńgege baǵalandy. Onyń pikirinshe, jobanyń quny men ony iske asyrýdyń uzaq merzimi ónim baǵasynyń tómendeýine, onyń ishinde maýsymdyq baǵanyń aýysýyna kepildik bermeıdi.

Otyrys qorytyndysy boıynsha ortalyq jáne jergilikti atqarýshy organdarǵa birqatar usynymdar ázirlendi. Olardyń ishinde baǵanyń alypsatarlyq ósýine qarsy kúres, jeke qosalqy sharýashylyqtardy egis alqaptaryn ulǵaıtýǵa yntalandyrý, shekarada jedel rejımde azyq-túlikti júk kóligimen tasymaldaýdy pysyqtaý, qolda bar qorlardy óndirý jáne azyq-túlik taýarlaryn tutyný teńgerimin jasaý máselesi bar.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar