Ońtústikte benzın nege tapshy?

Energetıka vıse-mı­nıstri Áset Maǵaýovtyń aı­týyn­­sha, Qazaq­standa ben­zın men dızel­diń qory jetki­likti.
– Atyraý munaı óńdeý zaýyty jumysyndaǵy elektr energııasyna qatysty problemalardy eskere otyryp, munaı ónimderiniń qal­­dyq­taryn jınaqtaý jóninde sh­e­shim qabyldandy. Sondaı-aq jyl basynan bastap benzın, dızel otyny sekildi munaı ónim­derin shetelge eksporttaý­dy toqtattyq. Budan bólek, suıyq otyndy avtokólikpen áke­týge tyıym salý týraly buı­ryq shyǵa­ryldy. Jyl so­ńyna deıin kóp kólemdegi mu­naı ónim­derin eksporttaýdy kútip otyrǵan joqpyz. Jınaq­tal­ǵan qor benzın eksportyn 2021 jyldyń qazanynan erte bastaýǵa múmkindik beredi, – dedi Á.Maǵaýov Orta­lyq kommýnı­kasııalar qyzmetinde ótken brıfıngte.
Munaı ónimderiniń qoryn jınaqtaý úshin Shymkent munaı óńdeý zaýytyn jón­deýdi 2021 jyldyń naýryz aıynyń sońynan mamyr­dyń basyna aýystyrdy. Jóndeý jumystary bastalar aldyn­da qajetti kólem jı­nalyp, iske qosylǵannan keıin munaı óńdeý zaýyty táýligine 6,5 myń tonna benzın men 6 myń tonna dızel otynyn shyǵara bastady. Á.Maǵaýovtyń pikirinshe, bul kólem ońtústik óńirdiń qajettiligin óteýge jetip tur. Derekterge súıensek, ońtús­tik oblystarda shamamen 5,3 myń tonna benzın men 5,6 myń tonna dızel otyny tutynylady.
Dese de, Shymkent munaı óńdeý zaýytynan ónimdi jó­nel­tý boıynsha belgili bir deń­geıde logıstıkalyq qıyn­dyq­tar týyndaǵan. Sonyń salda­rynan táýligine tıisti kólem­niń jartysy ǵana tıelgen.
– Qazirgi ýaqytta másele rettelýde. Mınıstrlik jaqyn kúnderi temir jol arqyly 4,3 myń tonna ben­zın men 4,2 myń tonna dı­zel otynyn jóneltýdi jos­parlap otyr. Shymkent munaı ba­zasy arqyly 1 200 tonna benzın men dızel otyny qubyr jeli­si kóligimen tıeletin bolady. Al­daǵy birneshe kúnde Shym­kent pen Túrkistanǵa qatys­ty jaǵ­daı turaqtalady. Odan keıin Almaty men Qyzylor­da oblys­taryn­da­ǵy jaǵdaı retteledi, – dedi Á.Maǵaýov.
Energetıka mınıstrli­giniń málimetine súıensek, 2021 jylǵy 5 aıdyń qory­tyndysy boıynsha elimizdegi munaı óńdeý kólemi 6,7 mln tonnany qurady. Onyń ishin­de Pavlodar munaı-hımııa zaýyty 2 mln 389,9 myń tonna, «PetroQazaqstan Oıl Pro­dakts» 1 mln 863,4 myń tonna, Atyraý munaı óńdeý zaýyty 2 mln 119,7 myń tonna, «CASPI BITUM» 343,3 myń tonna, «Kondensat» kompanııalar toby 27,4 myń tonna ónim óńdegen.
Bes aıdyń qorytyndysy boıynsha 1 mln 852,7 myń tonna benzın, 1 mln 878,8 myń tonna dızel otyny, 204,9 myń tonna avıaotyn jáne 1 mln 061,3 myń tonna mazýt óndirilgen.