Úkimet basshylary saýda-ekonomıkalyq, aýyl sharýashylyǵy, energetıka, kólik-logıstıka, qurylys salalaryndaǵy yntymaqtastyqtyń, ónerkásiptik kooperasııa men bilim berýdiń, sondaı-aq óńirlerdiń ózara yntymaqtasyǵy máselelerin talqylady.
Qos eldiń Úkimet basshylary Qostanaı qalasyndaǵy aýyl sharýashylyǵy mashınasy ónimderiniń birlesken óndirisin damytý jobalarymen tanysty. Mundaǵy «AgromashHoldıng KZ» AQ óndiris kólemin jylyna 1 myńǵa deıin ulǵaıta otyryp, «Gomselmash» zaýytynyń tehnologııasy boıynsha «Esil» kombaındaryn qurastyrady. Zaýyt qysqa merzim ishinde ónimdi jergiliktendirý deńgeıin 60%-ǵa deıin jetkizýdi kózdep otyr. Odan keıin Asqar Mamın men Roman Golovchenko «MTZ Qazaqstan» kásipornynyń damý josparlarymen tanysty. Zaýytta jańa korpýstardyń qurylysy júrip jatyr, bul óndiris kólemin jylyna 4 myń traktorǵa deıin arttyrýǵa múmkindik beredi. Qostanaı qalasyndaǵy «AgromashHoldıng KZ» AQ lokalızasııalaý ortalyǵy «KÝVO» Belarýs kompanııasymen birlesip, 2022 jyldyń sońynda jylyna 30 myń aýylsharýashylyq jáne avtomobıl tehnıkasyna arnalǵan kóp qabatty shyny paketter óndirisin ashýdy jáne ony keminde 70% deńgeıde jergiliktendirýdi josparlap otyr. Sondaı-aq, Qostanaı qalasynda «Belkarplastık» JShQ-nyń qatysýymen mashına jasaý salasy úshin kompozısııalyq materıaldardan jasalǵan buıymdar óndirisi ashylady. Taǵy bir aıt ketetin mańyzdy másele, AО́K salasynda taraptar Belarýs tehnologııalaryn tarta otyryp, Qazaqstanda sút-taýar fermalaryn salý boıynsha yntymaqtastyqty damytýdy kózdep otyr. Tobyl tórinde kezdesken eki eldiń kásipkerleri osyndaı ýaǵdalastyqtarǵa qol jetkizdi.
Sonymen qatar, qurylys ındýstrııasysalasynda da birlesken jobalar qolǵa alynbaq. Máselen, «BelVýdDoors» kompanııasy men «Samuryq-Qazyna Konstrakshn» JShS Nur-Sultan qalasynyń ındýstrııalyq aımaǵynda qýattylyǵy jylyna 250 myń esik óndirisin ashýǵa nıetti. Joba quny – 5,5 mlrd teńge. Aldaǵy ýaqytta mundaı jobany Almaty qalasynda da iske asyrý josparlanǵan. Sondaı-aq Qazaqstanda qýattylyǵy 2 mln m² bolatyn keramıkalyq plıtalardyń birlesken óndirisi ashylady. Kelissózder qorytyndysy boıynsha Belarýs Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly úkimetaralyq kelisimge qol qoıyldy.
Eki eldiń Premer-Mınıstrleri Qostanaı qalasyndaǵy «SaryarqaAvtoО́nerkásip» JShS óndiristik alańynda, sondaı-aq temir kenin, dolomıtti, áktasty, qurylys shaǵyltasyn qaıta óńdeıtin ir kásiporyn – Rýdnyı qalasyndaǵy «Sokolov-Sarybaı taý-ken baıytý óndiristik birlestigi» AQ-da boldy.
Asqar Mamın men Roman Golovchenkonyń kezdesýi Nur-Sultan qalasynda jalǵasyp, qos eldiń Úkimet basshylary ModeX modýldik úı qurylysy zaýytynda, «Lokomotıv qurastyrý zaýyty» AQ-da, «Astana» halyqaralyq qarjy ortalyǵynda jáne basqa da nysandarda boldy.
