Álem • 29 Maýsym, 2021

Úndistanda 40 myńnan asa adam «qara zeń» juqtyrǵan

101 ret kórsetildi

Úndistan dárigerleri «qara zeń» (mýkormıkoz) aýrýynyń 40,8 myńnan asa jaǵdaıyn anyqtady. Bul týraly eldiń densaýlyq saqtaý mınıstri Harsh Vardhan málimdedi, dep habarlaıdy Egemen.kz.

Mınıstrdiń aıtýynsha, elde barlyǵy 40 845 jaǵdaı tirkelgen. Bul rette 31 344 naýqasta muryn, murynnyń qosalqy qýystary jáne mıdyń bir bóligi zaqymdanǵan.

Mınıstr jaǵdaıdyń 32 paıyzy 18 ben 45 jas aralyǵyndaǵy topta tirkelgenin aıtty. Taǵy 42 paıyzy - 45 pen 60 jas aralyǵyndaǵy top. Al 24 paıyzy - 60 jastan asqan qarttar. «Qara zeń» juqtyrǵandardyń 64 paıyzy dıabetpen aýyratyny belgili boldy, al 53 paıyzy steroıdty preparattar qabyldaıtyndar, dedi mınıstr.

ICMR bas dırektory Balram Bhargava koronavırýs ınfeksııasynyń ekinshi tolqyny áli de halyqqa qaýip tóndiretinin atap ótti. Infeksııanyń eń kóp jaǵdaıy Maharashtra, Kerala, Tamılnad, Batys Bengalııa jáne Odısha shtattarynda anyqtalǵan.

Mýkormıkoz – sańyraýqulaq aýrýy. Aıta keteıik, «qara zeń» teriniń jáne ishki aǵzalardyń zaqymdalýymen sıpattalady, saldary ólimge ákelýi múmkin.

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar