«Vaksınasııa bastalǵaly beri koronavırýs mýtasııaǵa ushyrap, jaǵdaıǵa beıimdele bastady. Sarapshylardyń aıtýynsha, vırýstyń «delta» nusqasy «brıtan» shtamyna, basqalaryna qaraǵanda 60%-ǵa tez juǵady. Sonymen qatar ony juqtyrǵandar arasynda aýrýhanaǵa jatqyzylǵandar men qaıtys bolǵandar sany kóp. Muny Nur-Sultan qalasyndaǵy jaǵdaıdan baıqap otyrmyz. Taǵy bir ereksheligi, balalar da bul shtamdy bes ese jıi juqtyra bastady», dedi A.Sharman.
Spıkerdiń aıtýynsha, «delta» shtamyn ekpe almaǵandardyń juqtyrý qaýpi joǵary. Sondyqtan ekpe alý koronavırýstyń barlyq túrine qarsy eń tıimdi shara bolyp otyr. Onyń birinshi dozasy 17%-ǵa azyraq qorǵasa, ekinshisin alǵan soń tıimdiligi arta túspek.
Sondaı-aq spıker eki dozada eki túrli ekpe alý aǵzanyń ımmýndyq qorǵanysyn kúsheıtetini týraly da derekter bar ekenin alǵa tartty.
«Immýnologııada eki ekpeni aralastyrý mix and match dep atalady. Onyń ımmýndyq júıege oń áser etenine dálelder bar. Angela Merkel, Erdoǵan syndy saıası kóshbasshylar osylaısha ár túrli ekpe aldy. Jalpy sarapshylar da bul tásilge oń qabaq tanytyp otyr», dedi A.Sharman.
Onyń aıtýynsha, epıdemııanyń qazirgi tolqynyna «delta» shtamy áser etip otyr.
Ásel Sarqyt
