Klıýgeniń aıtýynsha, stadıondarda, sondaı-aq EURO-2020 oıyndaryn uıymdastyratyn qalalardaǵy pabtar men barlarda jınalǵan adamdar koronavırýs juqtyrǵandar sanyn kóbeıtedi. Sońǵy táýlikte COVID-19 juqtyrǵandar sany eń kóp tirkelgen on eldiń tórteýi Eýropa aımaǵynda ornalasqan.
DDSU málimeti boıynsha, aımaqta koronavırýs ınfeksııasyn juqtyrǵandar sanynyń 10 aptalyq tómendeýi jaqyn arada aıaqtalady jáne jankúıerler men basqa adamdar muqııat bolmasa, jańa tolqyn bastalýy múmkin.
«Aqpannyń basynan beri aımaqta COVID-19 juqtyrý deregi azaıǵanan keıin Ortalyq jáne Shyǵys Eýropa men Balqanda kórsetkish qaıta óskeni baıqalady. Áli tolyq aıaqtalǵan joq», dep jazdy Klıýge Twitter-paraqshasynda.
О́z kezeginde Germanııanyń ishki ister mınıstri Horst Zeehofer ÝEFA Eýropa fýtbolynyń basqarýshy organynyń jankúıerlerdi jınaýǵa ruqsat berýi týraly sheshimin «tolyǵymen jaýapsyzdyq» dep atady.
«Stadıondardy ǵana emes, halyqtyń oǵan qalaı baratynyn, avtobýstarda qalaı otyratynyn qadaǵalaý kerek. Dál osy jaǵdaılar vırýstyń taralýyn týdyrady», dedi DDSU-nyń tótenshe jaǵdaılar jónindegi aǵa ofıseri Ketrın Smollvýd.
