Qazir «qyzyl» aımaqta: Nur-Sultan, Almaty, Shymkent qalalary, Aqmola, Atyraý, Batys Qazaqstan, Qaraǵandy, Mańǵystaý jáne Pavlodar oblystary tur. «Sary» aımaqqa: Almaty, Aqtóbe, Jambyl, Qostanaı, Qyzylorda jáne Soltústik Qazaqstan oblystary.
«Jasyl» aımaqta: Túrkistan jáne Shyǵys Qazaqstan oblystary kirdi. Iаǵnı bir kúnniń birden úsh óńir «sary» aımaqqa engen. Onyń ústine koronavırýsty juqtyrýdyń táýliktik kórsetkishi bir apta qatarynan ósip kúnine 3 myń adamnan asty. О́tken aptanyń aıaǵynda Densaýlyq saqtaý mınıstrligi endigi delta-shtam eldiń baryq óńirlerne tarap úlgerdi degen boljam aıtqan bolatyn.
1 shildede delta-shtamdy anyqtaý úshin 414 synamanyń PTR skrınıngi ótkizilip, vırýs mýtasııasynyń barlyq oblystar men Nur-Sultan, Almaty, Shymkent qalalaryna jetkeni anyqtalǵan. Mamandardyń bul boljamy túpkilikti rastalýy úshin úlgilerdiń DNQ málimetteri tolyq genomdyq rettelgennen keıin belgili bolady. 2 shilde kúni QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııanyń (VAK) otyrysy ótti.
Epıdahýaldyń ýshyǵýyna baılanysty vıse-premer oblys ákimdikterine «sary» aımaqta ornalasqan óńirlerde kúsheıtilgen shekteý sharalaryn qabyldaýdy tapsyrdy. Jaǵdaıdy odan ári ýshyqtyrmaý úshin óńirler karantındik shekteýlerdi birinen keıin biri kúsheıtip jatyr.
Mysaly, Aqmola oblysynda karantın 3 shildeden bastap kúsheıtildi. «Kópshilik is-sharalar (merekelik, kópshilik sport, oıyn-saýyq mádenı-kópshilik is-sharalardy, forým, konferensııa jáne t.b. ótkizýge), otbasylyq is-sharalar (banket, úılený toıy, mereıtoı, merekelik korporatıv, duǵa) jáne kópshilik jınalatyn ózge de is-sharalardy, onyń ishinde úıde ótkizýge tyıym salynady.
Oıyn-saýyq mekemeleri (túngi, oıyn klýbtar jáne basqa da), býkmeker keńseleriniń jáne eresekter men balalarǵa arnalǵan ózge de oıyn-saýyq, kalıan oryndarynyń (onyń ishinde qoǵamdyq tamaqtaný obektilerindegi) qyzmetine tyıym salynady. Merekelik korporatıvterdi uıymdastyrý men ótkizýge, kórme ótkizýge, (ashyq aýada) marafon ótkizýge, «Ashyq» jobasyna qatysatyn banket zaldarynda 30 adamnan asyrmaı, as berýdi qospaǵanda, as berýge tyıym salynady», delingen óńirdiń bas sanıtar dárigeriniń qaýlysynda.
Mańǵystaý oblysynda da 3 maýsymda karantın qatańdatyldy. Meıramhana, dámhanalar tańerteńgi saǵat 9:00-den keshki 20:00-ge deıin, ashana tıptes qoǵamdyq tamaqtaný oryndary 24:00-ge deıin jumys isteıdi.
Saýna, SPA-ortalyqtar men basseınder senbi, jeksenbi kúnderi jumysyn toqtatty. El astanasynda kúsheıtilgen shekteýler 1 shildeden beri kúshinde. Aıdyń basynda irkes-tirkes kelgen meıramǵa arnalǵan sharalardyń onlaı formatta ótip jtaýy-aq karantındik shekteýlerdiń qanshalyqty qatań ekenin kórsetedi.
Shymkentte 2 shildede kúshine engen qaýly talaptary boıynsha turǵyndar men qonaqtaǵa adamdar kóp jınalatyn týǵan kún, mereıtoı, qudalyq, toı, betashar jáne basqa kez kelgen is-sharalardy ótkizýge tyıym salynǵan.
Sondaı-aq, 65 jastan asqan adamdardyń qalada júrýi shektelip, maska rejımin saqtaý mindetteldi. Qujat boıynsha áleýmettik-ekonomıkalyq nysandardyń jumysy naqty ólshemder negizinde rettelýde.
