Kadrda avtomat ustaǵan er adamdar bloktyń aınalasynda júrgeni baıqalady. Olarǵa jaqyn jerde adam denesi jatyr.
Buǵan deıin BAQ premer-mınıstrdiń mindetin atqarýshy Klod Djozefke silteme jasap, túnde belgisiz bireýler Moızeniń rezıdensııasyna shabýyl jasaǵanyn habarlaǵan edi.
Saldarynan memleket basshysy men onyń áıeli Martın Moıs qaza tapqan.
Shabýyl jasaǵandardyń keıbireýleri ıspansha sóılegeni anyqtalǵan.
Oqıǵaǵa baılanysty el astanasy Port-o-Prenstegi halyqaralyq áýejaı jabylyp, kelgen ushaqtar keri qaıtaryldy.
Aıta keteıik, Moıs Gaıtıdi 2017 jyldan beri basqaryp kelgen. Bul onyń ómirine jasalǵan alǵashqy qastandyq emes. Aqpan aıynda memlekettik tóńkeris jasap, respýblıka basshysyn óltirmek bolǵandardyń áreketin polısııa toqtatqan bolatyn.
