Týrıstik obektilerdiń aýmaǵynda KVI-diń taralýyna jol bermeý úshin qonaqtardy týrıstik aımaqtarǵa Ashyq júıesi boıynsha ótkizý rejımi belgilenedi.
«Qaýlyǵa týrıstik nysandar boıynsha qatańdatý sharalaryn qoldaný jóninde birqatar ózgerister engiziletin bolady. Sanıtarlyq beketter ornatylyp, termometrııa men saýalnama júrgizý rejımi ornatylady. Sondaı-aq, «qyzyl» jáne «sary» mártebesi bar adamdar týrıstik aımaqtardyń aýmaǵyna kirmeýi úshin Ashyq baǵdarlamasy boıynsha árbir kirýshiniń mártebesin tekserý josparlanýda», dep habarlady brıfıngte oblystyń bas memlekettik sanıtarlyq dárigeri Aınagúl Mýsına.
Onyń aıtýynsha, búgingi tańda Ashyq júıesi boıynsha oblysta 589 nysan jumys isteıdi. Júıege qosylýǵa 680 nysan ótinim berdi. QR-kodtar boıynsha adamdar eń kóp baratyn 16 uıym belgilendi. Al QR-kod boıynsha kelýshilerdiń nóldik sany bar 20 qatysýshy Ashyq jobasynan eki aptaǵa shyǵaryldy. Olar kelýshilerdi úsh kúnnen artyq teksermegen.
Ashyq kómegimen óńirde «qyzyl» mártebesi bar 51 adam, «sary» mártebesi bar 89 adam anyqtaldy. «Qyzyl» mártebesi bar bes buzýshyǵa 87 510 teńge kóleminde aıyppul salyndy.
