Elorda • 08 Shilde, 2021

Esil ózeninde tazartý jumystary júrgizilýde

103 ret kórsetildi

Elordanyń kommýnaldyq qyzmetteri Esil ózeni men onyń salalary – Aqbulaq jáne Sarybulaq sý aıdynyn tazartý jumystaryn júıeli túrde júrgizýde, dep habarlaıdy Egemen.kz.

«Esil ózeniniń aýmaǵy men onyń salalary – Aqbulaq jáne Sarybulaq arnalarynyń aıdynyn, jaǵasyn tazartý jumysy turaqty túrde júrgizilýde. Brıgada jumysshylary ózendi túrli qoqystardan, artyq ósimdikterden tazartady», dedi qorshaǵan ortany qorǵaý jáne tabıǵat paıdalaný basqarmasynyń bólim basshysy Jiger Sattarova.

«Astana sý arnasy» MKK Esil ózeniniń arnasy – Aqbulaqqa sorǵy-súzgi stansııasynan shaıyndy sý aǵyzatynyn aıtty. Mamandar bul sý taza jáne qala turǵyndary men qonaqtary úshin qaýipsiz ekenin málim etti.

«Astana sý arnasy» MKK sorǵy-súzý stansııasy Ekologııa departamentinen emıssııaǵa jáne basseındik ınspeksııasynyń ruqsaty boıynsha Aqbulaq ózenine shaıyndy sý aǵyzady. Sýdy aǵyzý belgilengen normatıv boıynsha júrgiziledi. Maýsym aıynda Ekologııa departamenti sý synamalaryn júrgizip, jospardan tys tekserdi, onyń negizinde belgilengen normadan asyp ketý anyqtalǵan joq», dep túsindirdi «Astana sý arnasy» MKK sorǵy-súzý stansııasynyń jetekshi ınjener-tehnology Tatıana Smolkova.

«Astana sý arnasy» MKK málimeti boıynsha Aqbulaq ózenine sorǵy-súzý stansııasynan aǵyzylatyn sý jaǵymsyz ıis týdyrmaıdy. Kerisinshe, bul sý taza ári qaýipsiz bolyp esepteledi.

«Astana sý arnasy» MKK káriz-tazartý qurylǵylary Kóktal jáne Talapker turǵyn alaptarynyń arasynda, ıaǵnı Esil ózeniniń qaladan tys aǵysyna qaraı aǵyzylady. Al tazartylǵan sýdyń sapasy normatıvke sáıkes keledi», dep habarlady «Astana sý arnasy» MKK bas ınjener-tehnology Fırýza Aldynǵurova.

Kásiporyn 10 kún saıyn aǵyzylatyn sýdyń sapasyna qatań baqylaý júrgizip otyrady.

Qalanyń nóser kárizin tazartý boıynsha «Elorda Eco System» kásiporny júıeli jumys atqarýda. Oǵan kún saıyn 25-ten astam arnaıy tehnıka men 80-ge jýyq jol jumysshy jumyldyrylady.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar