Oblystyq densaýlyq saqtaý basqarmasy baspasóz qyzmetiniń aqparatyna súıensek, qaýipti vırýstyń «qaqpanyna» ilingender ásirese, Atyraý qalasynda kóbeıip barady. Keshe munaıly shaharda 212 naýqas tirkeldi.
Sondaı-aq, Jylyoı aýdanynda 26, Qurmanǵazyda – 20, Maqatta – 6, Qyzylqoǵada – 6, Isataıda – 4, Inderde – 3, Mahambet aýdanynda 2 adamnan koronavırýs ınfeksııasynyń belgisi tabyldy. Al, Teńiz kenishinde 11 jumysshy qaýipti vırýsqa shaldyqqan.
«Qazir qaýipti vırýstan úı jaǵdaıynda emdelý úshin 868 adam oqshaýlandy. Buǵan qosa, ınfeksııalyq stasıonarlarda 790 adam emdelýdi jalǵastyrýda. Onyń ishinde modýldik aýrýhanada – 194, №2 oblystyq aýrýhanada – 150, aýdandardaǵy stasıonarlarda – 183, kardıologııalyq ortalyqta – 100, ftızıopýlmanologııalyq ortalyqta – 99, Teńiz ken ornyndaǵy ınfeksııalyq stasıonarda 64 naýqas jatyr» dep málim etti basqarmanyń baspasóz qyzmetinen.
