Koronavırýs • 12 Shilde, 2021

Atyraýda úsh kúnde koronavırýsqa shaldyǵý 46,8 paıyzǵa ósken

428 ret kórsetildi

Bul týraly oblystyq densaýlyq saqtaý basqarmasynyń basshysy Ashan Baıdýálıev málim etti, dep habarlaıdy Egemen.kz.

Onyń málimetinshe, qaýipti vırýstyń taralý kórsetkishiniń ósýine baılanysty 520 rezervtik tósek-oryn daıyndalǵan. Onyń ishinde 20 tósek-oryn jansaqtaý bólimine bólinip otyr.

«Sońǵy úsh kúnde koronavırýs ınfeksııasyn juqtyrǵandar sany 46,8%-ǵa artyp otyr. Máselen, 8 shildede 154 jaǵdaı tirkelse, 11 shildede 290 adam qaýipti vırýsty juqtyrǵan. Sońǵy bir aptada Atyraýda syrqattanýshylyqtyń ósýine baılanysty rezervten 330 ınfeksııalyq tósek-oryn paıdalanýǵa berildi. Qazir oblysta ınfeksııalyq tósek-orynnyń jalpy sany 2 428-di quraıdy» deıdi Ashan Baıdýálıev.

Basqarma basshysynyń aıtýynsha, 408 tósek-orynǵa arnalǵan karantındik stasıonar jumys istep tur.  

«Koronavırýs ınfeksııasyna shaldyqqan naýqastar sany kúrt ósetin bolsa, birneshe aýrýhanadan ınfeksııalyq stasıonar ashýdy kózdep otyrmyz. Naqtylaı aıtqanda, oblystyq aýrýhanada 50, temir jol aýrýhanasynda 120, Mahambet aýdanyndaǵy ftızıopýlmonologııa ortalyqta 150, sondaı-aq, jataqhananyń birinde 200 oryndyq ınfeksııalyq stasıonar ashylady» deıdi Ashan Baıdýálıev.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar