Saıasat • 14 Shilde, 2021

Arnaıy komıssııanyń otyrysy

47 ret kórsetildi

Premer-Mınıstrdiń birinshi orynbasary Álıhan Smaıylovtyń tóraǵalyǵymen Qazaqstan Respýblıkasynda 2021 jyly ulttyq halyq sanaǵyn ótkizýge daıyndyq jáne uıymdastyrý máselelerin sheshý jónindegi arnaıy komıssııa otyrysy ótti, dep habarlady Úkimettiń baspasóz qyzmeti.

Premer-Mınıstrdiń b­i­rinshi orynbasary sanaq qura­myn tolyq qamtamasyz etý jáne vaksınalaý máselelerine basa nazar aýdarýdy tapsyrdy. Tıisti memlekettik organdar men ákimdikterge eriktiler uıymdaryn, stýdentter men jumyssyz turǵyndardy suh­battasýshy retinde tartý ju­mysyn kúsheıtý tapsyryldy. Sanaq júrgizilip jatqan kezde personaldyń qaýipsizdigin qamtamasyz etý, sondaı-aq jo­syqsyz adamdardyń alaıaq­tyq áreketterin boldyrmaý esker­tildi.

Á.Smaıylov óńirlerdiń basshylaryna buqaralyq aqparat quraldaryndaǵy bannerler men bılbordtardy, jaryq dıodty ekrandardy, únparaqtardy, tıisti aqparattyq habarlamalardy ǵana emes, sonymen qatar habarlaý quraly retinde turǵyn úılerdiń toptyq chattaryn da qarastyrý arqyly halyq arasynda aqparattyq-túsindirý jumystaryn kú­sheıtýdi tapsyrdy. Sanaq naýqany aıaqtalǵanǵa deıin eldi mekenderdiń quramdas bólikteriniń ataýlaryn ózger­týge moratorııdi saqtaý má­selesi de qaıta kóterildi. Son­daı-aq áńgime memlekettik or­gandardyń biryńǵaı kólik ortasy sheńberinde shalǵaı aýdandar men aýyldarda jo­ǵary sapaly ınternetke qosylýdy qamtamasyz etý úshin egov.kz veb-portaly men sanaq.gov.kz saıtyn ın­te­grasııalaý aıa­synda atqa­rylǵan jumystar bo­ıyn­sha aqparattyq resýrstarǵa qol­je­timdilikti qamtamasyz etý týraly boldy.

Jıyndy qorytyndylaı kele, Á.Smaıylov jeke tul­ǵalardyń derek­terin qupııa saqtaýdyń mańyzdylyǵyn taǵy bir atap ótti jáne mundaı máli­metter «Memlekettik sta­tıstıka týraly» zańmen qorǵa­latynyn jetkizdi.

Esterińizge sala keteıik, 2021 jylǵy Ulttyq halyq sanaǵy 1 qyr­kúıekten 15 qa­zanǵa deıin sanaq.gov.kz mamandandyrylǵan veb-saı­tynda onlaın formatta jos­parlanǵan, al sanaqtan onlaın ótpegen azamattar úshin qajetti sanıtarlyq normalardy saqtaı otyryp, ádettegideı úı-úıdi aralaý 1-30 qazan aralyǵynda uıymdastyrylady.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar