«Qytaılyq jasóspirimniń týǵan qalasy araldan eki myń shaqyrym jerde eken. Kishkentaı qyzdyń elsiz aralda júrgenine eki kún bolypty, al onyń azyq qorynan tek kreker men azdap tushy sý boldy. Qyzdy taýyp alǵan er adam bul týraly polısııaǵa habarlady», dep jazady Global Times.
Tártip saqshylary balanyń ata-anasyn taýyp, úıine qaıtardy. Biraq eresekter 13 jastaǵy jasóspirimdi aralǵa ádeıi jibergeni anyqtaldy. Ata-anasynyń aıtýynsha, qyzdyń tártibi óte nashar bolǵan. Ol tamaq suraı berip, úı sharýasyna da qol ushyn tıgizbegen. Jasóspirimniń mektepke barýdan bas tartqan qyńyr minezi ata-anasynyń tózimin sarqyp, elsiz aralǵa jiberýine sebep bolǵan.
Bundaı sheshim qabyldaýǵa qytaılyq psıholog yqpal etti. Qyz týystarynyń aıtýy boıynsha, «tótenshe jaǵdaılarda ómir súrip kórip, sabasyna kelsin» dep keńes bergen psıholog qyzdy alys aralǵa jiberýge kóndiredi. Polısııa qyzmetkerlerine mundaı tárbıe ádisi unamaı, qyzdyń ata-anasyna eskertý jasaldy.
