«Immýndaý prosesin tejeıtin taǵy bir ózekti másele – jalǵan vaksınasııa pasporty. Bul jaǵymsyz qubylystyń taralýymen baılanysty kez kelgen áreketti tez arada toqtatý mańyzdy. Jumys bastaldy, ony jalǵastyrý kerek», dedi Qasym-Jomart Toqaev.
Prezıdent Ishki ister mınıstrligi janynan qoǵam ókilderi men halyqtan aqparat alyp, óńdeıtin vedomstvoaralyq arnaıy top qurýdy tapsyrdy.
«Vaksınasııa tólqujattaryn qoldan jasaýǵa jol bergen adamdarǵa qatań jaza qoldanýdy tapsyramyn. Men bul máseleni keńeıtilgen otyrysta kótergen edim. Áńgime eldiń ulttyq qaýipsizdigi týraly bolyp otyr», dedi Prezıdent otyrys barysynda.
Eske salsaq, Prezıdent Qasym-Jomart Toqaev elimizdegi sanıtarlyq-epıdemıologııalyq ahýal jóninde jumys keńesin ótkizip jatyr.
