Alqaly jınalysqa quqyq qorǵaý jáne arnaıy organdardyń basshylyǵy men oblystyń basqa da memlekettik organdary qatysty.
О́nerkásiptik aımaqta halyqtyń kóp bóligi eńbek etetin ártúrli baǵyttaǵy kóptegen kásiporyndar shoǵyrlanǵan. Sondyqtan olardyń qaýipsizdigi jumys berýshiler jáne baqylaý organdarynyń birinshi kezektegi basty mindeti bolyp tabylady.
Oblystyq prokýratýra usynǵan statıstıkaǵa sáıkes, óndiriste jaraqat alýdyń 230-ǵa jýyq faktisi, onyń 22% nemese 50-i ólimge ákeldi. Osyǵan oraı qylmystyq isterdi tergeýdiń problemalyq máseleleri, ýákiletti organdardyń jumysy talqylandy.
«О́ndiriste jaraqat alý faktilerin azaıtý maqsatynda «Qaýipsiz eńbek» jobasy ázirlendi. Ol josyqsyz jumys berýshilerdi zańda belgilengen jaýapkershilikke tartýdyń biryńǵaı praktıkasyn qalyptastyrýǵa jáne eńbek jaǵdaılarynyń laıyqsyz bolýyna tózimsizdik mádenıetin qalyptastyrýǵa baǵyttalǵan», dep málimdeldi oblystyq prokýratýrada.
Sonymen qatar, polısııa organdarynda qoldanylyp jatqan isterdi tergeý boıynsha ádistemelik usynystar tanystyryldy. Jaraqattaný deńgeıi joǵary aımaqtarda arnaıy jedel-tergeý toptaryn qurý josparlanýda.
