Almaz Sharman Almaty turǵyndaryna sanıtarlyq-epıdemıologııalyq normalardy qatań saqtaýdy, adam kóp jınalatyn jabyq úı-jaılarǵa barmaýdy eskertti. Sondyqtan qalada qaýipti «delta» koronavırýs shtamynyń aınalymy joǵary.
«Ǵalymdar koronavırýstyń bul nusqasy nege juqpaly ekenin túsindi. О́ıtkeni, mýtasııa genniń bir bóliginde paıda bolady. Ol ınterferon dep atalatyn ımmýndyq molekýlanyń túzilýine kedergi keltiredi. Bul ımmýndyq qorǵanysty jumyldyrý úshin óte mańyzdy. Vırýs adam aǵzasyna engen kezde ınterferon óndirisin tejeıdi, ımmýndyq qorǵanys óte baıaý bastalady jáne vırýs muryn qýysynda kóp mólsherde jınalyp, jergilikti qabynýdy týdyrady. Juqtyrǵan adam túshkire bastaıdy jáne ınfeksııany tez taratady. Bul "delta" nusqasynyń birden bir belgisi», dedi ǵalym.
A. Sharmannyń aıtýynsha, «delta» shtamy koronavırýstyń basqa nusqalary sııaqty kóptegen adamda sımptomsyz bolady. Sondyqtan ınfeksııany aldyn alýdyń jalǵyz joly – ýaqytyly ekpe alý.
Sondaı-aq vırýsolog koronavırýsty qaıta juqtyrýdyń sebebin túsindirdi. 2020 jyldyń qarasha aıynda AQSh-ta júrgende ol Djons Hopkıns pen Stenford ýnıversıtetiniń áriptesterimen qaıta juqtyrýdyń bes jaǵdaıyn talqylady jáne aýrýdan keıin ımmýndyq qorǵanysty zertteý qıyn dep sanaıdy.
«Endi biz aýyrǵan jáne antıdeneleri bar adamdar da qaıtalanatyn ınfeksııalarǵa ushyraýy múmkin ekenin túsindik. Bul vırýstyń mýtasııasyna baılanysty. Qazir túrli málimetter boıynsha jańa ınfeksııalardyń shamamen 20%-y buryn aýyrǵan azamattarda baıqaldy. Bul naýqastar úshin vaksınanyń mańyzdylyǵyn kórsetedi. Vaksına ımmýndyq qorǵanysty aıtarlyqtaı kúsheıtýge jáne qaıta juqtyrýdan qorǵanýǵa kómektesedi», dedi A. Sharman.
Ǵalym Almatydaǵy ınfeksııalardyń úlesi qart adamdardan jas adamdarǵa aýysqanyn aıtty. Olar ımmýndyq júıeni jattyqtyrý úshin vaksına alýy kerek.
