Polısııanyń kezekshi bólimine Atyraý qalasynyń 39 jastaǵy turǵyny úı aýlasynda turǵan kóliktiń urlanǵany týraly shaǵym túsirgen.
«Osyǵan baılanysty polıseıler jedel-izdestirý jumysyn júrgizip, urlanǵan kólikti Isataı aýdanynan tapty. Kólik urlyǵyna kúdikti 17 jastaǵy jasóspirim ustaldy. On kún buryn úıinen shyǵyp ketip, oralmaǵan jasóspirim urlanǵan kólikpen saıahat jasamaq bolǵanyn moıyndady. Avtokólik ıesine qaıtaryldy», dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq Kodeksiniń 200-babynyń 1-bóligimen sotqa deıingi tergeý júrip jatyr.
