Jandarbek Bekshınniń aıtýynsha, Almaty qalasynda KVI boıynsha epıdemıologııalyq jaǵdaı kúrt nasharlaǵan. О́tken táýlikte megapolıste 1 080 advm indet juqtyrǵan.
«Mundaı ósim densaýlyq saqtaý júıesine, medısına qyzmetkerlerine qıyndyq týdyrady. О́ıtkeni ımmýndyq qabat áli de jetilmegen. Qaladaǵy jaǵdaıdy turaqtandyrý úshin bizge halyqtyń 70% vaksına alý qajet. Búginde bizdegi málimet boıynsha ımmýndyq qabat 40%-dy quraıdy. Koronavırýstyń taralýy ımmýndalmaǵan jáne aýyrmaǵan azamattar arasynda júrip jatyr», dedi J. Bekshın.
Almatynyń bas sanıtarlyq dárigeri vırýs juqtyrǵandardyń ósýi «delta» koronavırýs nusqasynyń taralýynan dedi. Bul shtamm óte juqpaly ári aýyr klınıkalyq kórinisterdi týdyrady.
«Sońǵy aptada «sımptomdyq» naýqastardyń úles salmaǵynyń 88%-dan 90%-ǵa deıin ósýi baıqaldy. KVI aýrýshańdyǵy 1,4 ese ósti, táýliktik ósim 1%-dan asty. Bul asa qatań shekteý sharalaryn engizýdi talap etetin qoǵamda KVI taralýynyń ósý qarqynyn kórsetedi», dedi J. Bekshın.
Brıfıng barysynda megapolıstiń bas sanıtarlyq dárigeri almatylyqtardy ekpe alýǵa shaqyrdy. Sebebi ekpelerdiń tıimdiligi 90%-dan asady.
«Biz qaıtadan aýyrǵan azamattarǵa monıtorıng júrgizemiz. Búginde bizde vaksınanyń tolyq sıklynan keıin 178 adam aýyryp qaldy. Sebebi barlyq vaksınalar júz paıyz qorǵaýdy qamtamasyz etpeıdi jáne deneniń de erekshelikterin eskerý qajet. Biz aýyryp saýyqqandarǵa 6 aıdan keıin vaksınadan ótýdi usynamyz. Bul ımmýnıtetti kúsheıtedi», dedi J. Bekshın.
Bas sanıtarlyq dáriger delta shtamynyń juqpaly bolýy buryn «brıtandyq» koronavırýs shtamynan áldeqaıda joǵary ekenin aıtty.
«Eger ótken jyly negizgi «Ýhan» shtamy sımptomdardyń 50%-na deıin berilse, «Brıtandyq» shtamm boıynsha sımptomdar 60%-ǵa deıin ósti. «Delta» belgileri 88-90%-dy quraıdy. Infeksııalyq stasıonarlardyń jaǵdaıy kúrdeli. Osyǵan baılanysty biz ınfeksııany boldyrmaýǵa múmkindik beretin jańa qaýly qabyldadyq», dep túsindirdi J. Bekshın.
Sanıtarlyq-epıdemıologııalyq departament basshysy qala turǵyndaryn betperde rejımin saqtaýǵa, buqaralyq is-sharalarǵa qatyspaýǵa shaqyrdy.
