«Kompanııa ókilderine tutynýshylardan ónimder sapasyz boldy degen shaǵym túse bastady. Sol kezden bastap kompanııa jalǵan sehtiń izine tústi. Bir aptada bul sehta 5-6 mıllıon teńgege qurǵaq sút óndirilip, bir aıda 10 mıllıon teńgege jýyq ónim óndirildi», dep jazady Otyrar.kz.
О́nimderge arnalǵan qaptamalar jaqyn shet elderden satyp alynǵan. Daıyndaǵan ónimderdi kórshiles memleketterge jiberip otyrǵan. Shymkentten shyqqan jalǵan qopsytqysh tek jergilikti bazarlardan ǵana emes, kórshiles Qyrǵyzstannan da tabyldy.
«Ishinde negizinen soda, natrıı hlorıdi jáne lımon qyshqyly bar. Olar jalǵan. Bundaı ónimderdi jasaý úshin qajetti zattar bazarda qol jetimdi. Qaptama materıaldary TMD elderinen, О́zbekstannan, Tashkentten ákelingen. Osy ónimderdi jasaǵan qaskúnem ustaldy, qazir tergeý amaldary júrip jatyr», dedi «CYKORIA» kompanııasynyń ekonomıkalyq qaýipsizdik qyzmetkeri Ahmet Amanbaev.
Seh pen qoımaǵa arnalǵan bólme jalǵa alyndy. Qurǵaq sút pen qopsytqysh untaq las edende jatqan. Kompanııa ókilderiniń aıtýynsha, kúdiktiler taýarlardy Akbar, Jibek Joly jáne t.b. bazarlarynda satqan. Jalǵan orama bolsa, is júzinde túpnusqadan erekshelenbedi.
Tergeý amaldary kórsetkendeı, zańsyz óndiris oshaǵynda kámeletke tolmaǵan balalar jumys istegen. Olardyń jumysy kúnine úsh myń teńgege baǵalanǵan. Jasóspirimder sol sehtyń ishinde turdy. Jasyryn zaýyttyń ıeleri balalar úshin jataqhana uıymdastyrǵan.
«Men 14 jastamyn, ápkem osynda jumys isteýge shaqyrdy. Ol da osynda jumys isteıdi. Kúnine 3-4 myń alamyz. Anam men ákem meniń osynda jumys isteıtinimdi biledi», dedi kámeletke tolmaǵan bala.
Qazir kámeletke tolmaǵandarmen ıývenaldy polısııa jumys isteýde. Jalǵan zaýyt uıymdastyrýshylaryn aıyppul nemese túrme merzimi kútedi.
