«Keshe Temirtaýda qara jeıde kıgen bala ózin qorǵap, kók jeıdedegi balany judyryǵymen qulaq tusyna urdy. Bul soqqy balanyń ólimine ákeldi. Bala jerge otyryp, esinen tanyp qalǵan. Balany aýrýhanaǵa jetkizgen sátte dárigerler onyń kóz jumǵanyn anyqtady. Ol nebári 12 jasta edi. Týǵan-týystaryna kóńil aıtamyz», dep jazdy «Patrıot» Telegram arnasy.
Balalar tóbelesin aýladaǵy beınekamera túsirdi.
Kadrlarda bala jerge qulaǵan kezde, qasyndaǵy balalar eresekterdi shaqyrýǵa júgirgeni kórinedi. Kómekke birinshi bolyp er adam júgirip keldi. Olar balaǵa jasandy tynys pen júrek massajyn jasaı bastady. Biraq bala esin jınaı almady.
Beınematerıal polısııa qyzmetkerlerine tapsyryldy.
«Keshe, 24 shildede Temirtaýda balalar tóbelesi saldarynan bala kóz jumdy. Ol 13 jasar balamen Temirtaýdaǵy úılerdiń biriniń aýlasynda janjal shyǵarǵan. Janjal kezinde 13 jasar bala onyń basynan bir urdy. QR QK 104-baby boıynsha qylmystyq is qozǵaldy. Tıisti saraptamalar taǵaıyndalyp, sotqa deıingi tergeý júrgizilýde», dedi Qaraǵandy oblysy polısııa departamentiniń Tergeý basqarmasynyń bastyǵy Rýstam Qulkeev.
