Blokcheın jáne data-ortalyqtar ındýstrııasy qaýymdastyǵy sıfrlyq aktıvtermen jasalatyn operasııalar qazaqstandyqtar úshin qoljetimdi bolatynyn habarlady. «Astana» halyqaralyq qarjy ortalyǵynyń bazasynda tirkelgen krıptobırjalar jaqyn arada banktermen jumys isteı bastaıdy.
Qazaqstandyqtar AHQO-nyń ekinshi deńgeıli banktermen pılottyq jobasyn iske qosqannan keıin krıptovalıýtamen resmı ári ashyq jumys isteı alady. Bul qandaı qarjy ınstıtýttary bolatyny áli belgisiz. Olardyń tizimi anyqtalatyn bolady. Osy jobanyń kómegimen úkimet sıfrlyq aktıvterdiń qandaı táýekelder men paıda ákeletinin baǵalaı alady. Ázirge olardyń bizdiń elde aınalymyna tyıym salynǵan.
Aıta ketsek, AHQO-nyń banktermen jobasy bir jylǵa eseptelgen. Ol aıaqtalǵannan keıin naryq qatysýshylary krıptovalıýtaǵa qatysty tyıym az kategorııalyq bolady dep kútedi, tipti joǵalýy da múmkin. Úkimettiń krıptovalıýtaǵa qadam basýyna birneshe sebep bar, dep esepteıdi Qazaqstandaǵy blokcheın jáne data-ortalyqtar Indýstrııasy Qaýymdastyǵynyń memlekettik organdarmen baılanys jónindegi aǵa úılestirýshisi Sergeı Pýtra.
«Krıpto aınalymy - bul aıtarlyqtaı úlken qarjy kólemi. Bul búkil álem boıynsha mıllıardtaǵan dollardyń kúndelikti aınalymy. Eger Qazaqstan paıyzdyń qandaı da bir úlesin alsa, bul elimizge ınvestısııa túrinde keletin, salyq túrinde, jumys oryndarynda jalaqy túrinde qalatyn eleýli aqsha. Bul Qazaqstan áli kúnge deıin aınalyp ótip kele jatqan óte úlken ındýstrııasy», dedi Pýtra.
Krıptobırjamen aınalysý úshin siz «Astana» halyqaralyq qarjy ortalyǵynda tirkelgen bankterdiń birinde zańdy shottyń ıesi bolý kerek. Osy shottan kásipker aqsha aýdara alady, bırjada túrli operasııalar jasaı alady. Sondaı-aq, ınvestor alynǵan kiristi qarapaıym aqsha túrinde óz shotyna aýdarýǵa múmkindik alady. Bul jaǵdaıda bank tranzaksııalar boıynsha deldal retinde áreket etedi.
