«Statıstıkaǵa sáıkes, qaýipsizdik beldigin taqpaýdyń 31 faktisi tirkeldi, bul zań buzýshylyq QR ÁQBtK-niń 593-baby 2-bóligin qarastyrady. Jaıaý júrginshilerdi jibermegen 24 avtokólik júrgizýshisi anyqtaldy, tártip buzýshylar QR ÁQBtK-niń 600-baby 1-bóligi «jaıaý júrginshige artyqshylyq bermeý» boıynsha jaýapkershilikke tartyldy. Biraq, ókinishke oraı, jaıaý júrginshiler de erejelerdi qatań saqtaýmen erekshelenbeıdi. Kólik júretin bólikti belgilenbegen jerden kesip ótkeni úshin QR ÁQBtK-niń 615-baby 1-bóligi boıynsha 20 pavlodarlyq jaýapkershilikke tartyldy. Kólikti basqarý kezinde uıaly telefondardy segiz júrgizýshi paıdalandy, al bes avtoáýesqoı baǵdarshamnyń tyıym salatyn sıgnalyna bardy. Aıyppul turaǵyna jeti avtokólik qamaldy. Bir kúnniń ǵana qorytyndysy osyndaı», dedi Pavlodar oblysy PD jergilikti polısııa qyzmeti basqarmasy bastyǵynyń orynbasary Qýanysh Mustafınov.
Máselen, 26 shilde kúni saǵat 01:05-te patrýldeý kezinde Pavlodar qalasy PB patrýldik polısııa batalonynyń ınspektorlary Bekturov kóshesi boıynsha 26 jastaǵy er adamnyń basqarýymen Isuzu Trooper avtokóligin toqtatty. Saraptama nátıjeleri kórsetkendeı, júrgizýshi kólikti mas kúıinde basqarǵan. Avtokólik aıyp turaǵyna qamaldy.
