Koronavırýs • 27 Shilde, 2021

Almatyda indettiń jańa shtamyn juqtyrǵandardyń jaǵdaıy alty saǵat ishinde nasharlaýda

1836 ret kórsetildi

Búgin Almaty qalasy Qoǵamdyq densaýlyq basqarmasynyń basshysy Narıman Tabynbaev О́ńirlik kommýnıkasııalar qyzmetinde ótken brıfıngte halyqty taǵy da vaksınalaýǵa shaqyrdy. Ol júktemeniń dárigerlerge, ásirese alǵashqy medısınalyq kómekke edáýir artqanyn málimdedi, dep habarlaıdy Egemen.kz.

Qalalyq densaýlyq basqarmasy basshysynyń aıtýynsha, aýrýhanaǵa jatqyzylǵandar sany ósip keledi. Eger bir aı buryn bul táýligine 40-70 naýqas bolsa, búginde juqpaly aýrýlar aýrýhanasynda emdelýdi qajet etken koronavırýspen aýyratyn naýqastardyń sany 400 adamǵa jetedi.

«Kóptegen naýqastar úıde emdelip jatyr. Qazirdiń ózinde 7 361 naýqas baqylaýda. Telemedısına ortalyǵynyń shtatyn qosymsha mamandardy tarta otyryp, naýqastarǵa qashyqtan keńes beretin 84 qyzmetkerge deıin kóbeıtýge týra keldi», dedi N. Tabynbaev.

QDB basshysy birinshi mindet ólim jaǵdaıynyń kóbeıýine jol bermeý ekenin aıtty.

«Almatyda jedel járdem shaqyrýlarynyń táýliktik sany 2 700-ge jetti. Shilde aıynda JRVI, KVI jáne pnevmonııamen shaqyrýlardyń úlesi 2 ese artty. Táýekel tobynda áli de sozylmaly aýrýlarmen aýyratyn adamdar bar», dedi spıker.

N. Tabynbaevtyń aıtýynsha, jańa «delta» shtamy ásirese, jastarǵa qaýipti. Almatyda 40 jasqa deıingi 2 adam koronavırýstan qaıtys boldy.

«Koronavırýstyń jańa shtamyn juqtyrǵan naýqastardyń jaǵdaıy alty saǵat ishinde nasharlaýda», dep tolyqtyrdy QDB basshysy.

Eske salsaq, KVI taralýyna qarsy turýdyń jalǵyz joly vaksına alý. N. Tabynbaev almatylyqtardy óz densaýlyǵy men jaqyndarynyń densaýlyǵyn saqtaý úshin belsendi vaksınalaýǵa shaqyrady.

Almatyda ekpe pýnktteriniń keń jelisi ashyldy. Kún saıyn 15-20 myńǵa deıin ekpe alýǵa múmkindik bar. 26 shildedegi jaǵdaı boıynsha vaksınanyń 1-shi komponentiniń 768 545 dozasy jáne 2-shi komponentiniń 499 185 dozasy alyndy.

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar