Oblystyq polısııa departamenti baspasóz qyzmetiniń aqparatyna súıensek, Atyraý qalasynda jyl basynan beri jaıaý júrginshilerge arnalǵan ótkelin kóre tura odan tys jerden ótken 4000-nan astam adam anyqtalǵan.
«Jolda júrý erejesin buzǵan jaıaý júrginshilerge QR Ákimshilik quqyqbuzýshylyq týraly Kodeksiniń 615-babymen (Jaıaý júrginshilerge arnalǵan ótkelin kóre tura tys jerden ótken úshin) ákimshilik hattama toltyrylyp, árqaısysyna 5 834 teńge aıyppul salyndy. Al jaıaý júrginshilerge jol bermegen 731 kólik júrgizýshiniń árqaısysy atalǵan kodekstiń 600-babymen (Jaıaý jýrginshilerge arnalǵan ótkelinen jaıaý júrginshilerge jol bermeý) 29 170 teńge kóleminde aıyppul tóledi. Jyl basynan beri jol boıynda jaıaý júrginshi qatysýymen 33 jol-kólik oqıǵasy boldy. Sonyń saldarynan 3 adam qaza taýyp, 30 adam ártúrli dene jaraqatyn aldy» deıdi oblystyq polısııa departamentiniń bastyǵy, polısııa polkovnıgi Qamza Úmbetqalıev.
