Koronavırýs • 30 Shilde, 2021

Almatydaǵy áskerı gospıtal ınfeksııalyq stasıonarǵa aınaldy

74 ret kórsetildi

Áskerıler azamattardy qabyldaý úshin ınfeksııalyq stasıonardy óristetti, dep habarlaıdy Egemen.kz QR Qorǵanys mınıstrligine silteme jasap.

Koronavırýs ınfeksııasyn juqtyrý faktileriniń kóbeıýine baılanysty Almaty qalasyndaǵy Qorǵanys mınıstrliginiń áskerı klınıkalyq gospıtali ınfeksııalyq stasıonarǵa aınaldy.

Stasıonar 150 naýqasqa arnalǵan, bul rette medısınalyq mekemede somatıkalyq patologııasy bar áskerı qyzmetshilerdi, sondaı-aq áskerı-dárigerlik jáne dárigerlik-ushqyshtar saraptamasyn júrgizý úshin 100 oryn saqtalady. Áskerı dárigerler azamattardy gospıtalǵa jatqyzý jáne bilikti medısınalyq kómek kórsetý úshin qolda bar resýrstardy jumyldyrdy.

«Bizdiń áskerı gospıtal ekinshi eshelonǵa jatady. Sondyqtan ınfeksııalyq stasıonarǵa ortasha aýyr jáne aýyr naýqastar jatqyzylatyn bolady. Bul jaǵdaıǵa bizdiń jeke quram daıyn. Bizdiń medısınalyq personaldyń koronavırýstyq ınfeksııamen aýyratyn naýqastardy emdeý isinde tájirıbesi bar. Ol úshin bizde О́JJ jáne gemodıalız apparattarymen jabdyqtalǵan reanımasııa bólimshesi, sondaı-aq qajetti dári-dármek qory bar», dep túsindirdi Almaty qalasyndaǵy Áskerı klınıkalyq gospıtal bastyǵynyń mindetin ýaqytsha atqarýshy medısına qyzmetiniń podpolkovnıgi Abdývalı Paltýshev.

2020 jyldyń sáýirinen bastap turǵyndarǵa kómek kórsetý úshin áskerı gospıtal dárigerleri eki ret tartylǵan bolatyn. Nátıjesinde 1 430 adam, onyń shamamen 30%-i aýyr jáne asqynǵan deńgeıdegi naýqas dertten aıyǵyp shyqty.

Shildeden bastap elordadaǵy bas áskerı klınıkalyq gospıtal koronavırýsqa shaldyqqandardy emdeý úshin qaıta jumyldyrylǵan.

Sondaı-aq, Almaty, Taldyqorǵan jáne Úsharal qalalaryndaǵy áskerı-emdeý mekemesi azamattyq turǵyndardy qabyldaýǵa daıyn. Aıagóz, Taldyqorǵan, Saryózek jáne Semeı áskerı gospıtaldarynda qosymsha tórt ınfeksııalyq oqshaýlaǵysh jumys isteıdi.

PTR-testileý úshin Nur-Sultanda jáne Almatyda eki stasıonarlyq zerthana, Aqtaý jáne Semeı qalalarynda mobıldi zerthanalyq keshender jumys isteıdi.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar