Ekonomıka • 04 Tamyz, 2021

Sabaqtastyq saqtalady

32 ret kórsetildi

Memleket basshysy Qasym-Jomart Toqaevtyń tapsyrmasyna sáıkes, «Báıterek» ulttyq basqarýshy holdıngi agroónerkásiptik bloktyń enshiles kompanııalaryn qaıta uıymdastyrý jumystaryn jalǵastyrýda. Bul rette qolǵa alynǵan jumystar sharýalar úshin qarjylandyrýǵa degen qoljetimdilikti qıyndatpaýy tıis. Holdıngtiń osy baǵytta júrgizip otyrǵan jumysy týraly «Báıterek» UBH» AQ Basqarýshy dırektory Murat Dáribaevtan surap bilgen edik.

– Murat Amankeldiuly, osy jyldyń naýryz aıynda «QazAgro» holdıngi «Báı­te­rekke» qosyldy. Sóıtip, «Báı­terektiń» kompanııalar toby taǵy úsh qarjy ınstıtýty­men tolyqty: «Aýyl sharýa­shy­­lyǵyn qarjylaı qol­daý qory», «Agrarlyq nesıe kor­po­­­rasııasy» jáne «QazAgro­Qar­jy». Bulardyń bári aýyl shar­ýa­shylyǵy salasynda ózin­­­dik orny bar irgeli damý ıns­­tıtýt­tary ekenin bilemiz. «Báı­­­te­rektiń» atalǵan kom­pa­nııa­­­larǵa qatysty aldaǵy jos­pa­ry qandaı?

– Memleket basshysy «Báıte­rek» holdınginiń aldyna enshiles kompanııalardyń sanyn eki ese qys­qartý mindetin qoıǵany bel­gili. Agrarlyq sektorda jumys is­teıtin kompanııalarǵa, ıaǵnı sha­ǵyn bızneske mıkrokredıt berýdi júzege asyratyn «Aýyl sharýa­­shy­lyǵyn qarjylaı qol­daý qoryn» «Agrarlyq nesıe kor­po­ra­sııasyna» qosý josparlanýda. Ol óz kezeginde saladaǵy orta jáne iri jobalardy, sondaı-aq egis jáne egin jınaý jumystaryn qar­jylandyrýǵa baǵyttalmaq.

Osylaısha, «Agrarlyq nesıe korpo­rasııasy» biryńǵaı salalyq kredıt berýshi uıym atanady. Sonda fermerler de «nesıe alý úshin qaıda júginý kerek?» degen suraqpen bas qatyrmaıdy. Áıtpese, osyǵan deıin olar nesıe korporasııasyna nemese qarjylaı qoldaý qoryna júgi­ne­rin bilmeı, sendelip kelgen edi.

Sonymen qatar aýyl sharýa­­shy­lyǵy tehnıkasy men jab­dyq­­taryn lızıngke beretin res­pýb­­lıkadaǵy eń iri kompanııa – «Qaz­AgroQarjy» aksıonerlik qoǵa­my «Báıterek» holdınginen «Ag­rar­lyq nesıe korporasııasyna» en­shi­les kompanııa retinde beriledi.

Bankter tarapynan agroó­ner­kásip sýbektilerine beri­le­tin kredıtterge kepildik berý jónindegi qyzmet «Aýyl sharýa­shy­lyǵyn qarjylaı qoldaý qo­ryna» tıesili edi. Endi bul qyz­met «Báıterektiń» taǵy bir enshiles kompanııasy – kásip­ker­lik sýbektileri úshin bank nesıe­le­rine kepildik beretin «Damý» kásip­kerlikti damytý qoryna beri­ledi.

– Bul jaǵdaı aýyl sharýa­shy­lyǵy taýaryn óndirýshi­ler­di qarjylandyrý kezinde kór­se­­ti­letin qyzmetterdiń qol­je­­tim­­di­ligine keri áser etpeı me?

– О́zde­rińiz biletindeı, buryn­ǵy «QazAgro» holdınginiń úsh enshiles kompanııasy agro­óner­­­kásip sýbektilerin aýyl sha­­­rýa­­shylyǵy tehnıkasy men jab­dyq­taryn qoljetimdi nesıeleýde, lızıngpen qamtamasyz etýde basty ról atqardy. Sondyqtan kompa­nııalardy qaıta qurý pro­ses­teri qarjylandyrýǵa degen qoljetimdilikti qıyndatpaýy kerek. Bizdiń maqsat – sabaq­tas­tyqty saqtaý. Túptep kelgende ózgerister kompanııa klıent­te­ri­niń qyzmetine áser etpeýi tıis.

Birinshiden, enshiles uıym­dar­dy qaıta uıymdastyrý ke­zin­de qarjylandyrýdyń qol­da­nystaǵy sharttaryn qaıta qaraý­dyń qajeti joq. Dese de «Aýyl sharýashylyǵyn qarjylaı qoldaý qory» «Agrarlyq nesıe kor­porasııasyna» qosylǵannan keıin kredıt tańdaý kezinde fermerge baǵdarlaýdy jeńildetý úshin nesıe baǵdarlamalary keńeı­tilýi múmkin. Bul rette aýyl sharýashylyǵy taýaryn ón­dirýshiler úshin syıaqy mól­sher­­lemesi, kredıt berý merzimi, jeńildikti kezeń sekildi basqa da negizgi sharttar ózgerissiz qala­ty­nyn bóle-jara atap ótkim keledi.

Ekinshiden, qosylý kezinde qarjy qyzmetterin kórsetetin negiz­gi bıznes-proseske tartylǵan «Aýyl sharýashylyǵyn qarjylaı qoldaý qorynyń» is basyndaǵy óndiristik personaly «Agrarlyq nesıe korporasııasyna» aýys­ty­rylady. Olardyń bári – tá­jirıbeli kadrlar. Olar fer­mer­lerge qyzmet kórsetýdiń erek­­shelikterin jaqsy biledi. Son­dyq­tan mundaı mamandardan aıyrylyp qalýǵa bolmaıdy.

Sondaı-aq bul jaǵdaı kompanııalardy biriktirý sátinde «Aýyl sharýashylyǵyn qarjylaı qoldaý qoryna» nesıe berý úshin kelip túsken ótinimderdi qaraýǵa qatysty týyndaýy múmkin-aý de­gen kidiristerdiń aldyn almaq.

Úshinshiden, bizde kompanııalardy qaıta uıymdastyrý boıynsha naqty ári dáıekti is-sharalar jospary men merzimi bekitilgen jol kartalary bar. «Báıterek» holdıngi qaıta uıymdastyrýdyń barlyq prosesin turaqty baqy­laý­da ustaıdy jáne jalpy úıles­ti­rýdi júzege asyrady.

– Kompanııalardy qaıta uıym­­­dastyrý tolyqtaı qashan aıaq­­tal­maq?

– Qaıta uıymdastyrýǵa qa­tys­­ty máselelerdiń barlyǵy birdeı «Báıterek» holdınginiń quzy­retine jatpaıtynyn atap ótý mańyzdy. Bul rette Aýyl sharýa­shylyǵy, Ulttyq ekonomıka mınıstrlikteriniń jekelegen buıryqtaryna jáne birqatar zań­ǵa ózgerister engizý talap etiledi.

Kompanııalardy qaıta uıym­das­tyrýdyń negizgi prosesterin osy jyldyń sońyna deıin aıaqtaý josparlanýda. Normatıvtik-qu­qyq­tyq aktilerdi ýaqtyly túzetý kezinde qyzmetkerlerdi aýystyrý jáne nesıe qorjynyn aýdarý da osy merzimde aıaqtalýǵa tıis.

– Suraqtarǵa tushymdy ja­­ýap bergenińiz úshin rahmet.

 

Áńgimelesken

Farhat QAIRATULY,

«Egemen Qazaqstan»

 

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar