Koronavırýs • 04 Tamyz, 2021

Jetisýda da jaǵdaı máz emes

О́kinishke qaraı, Jetisýda koronavırýs indetiniń taralýy kún saıyn ósip keledi. Oblys qazir «qyzyl aımaq» sanatyna kirgen. Alaıda shekteý sharalarynyń kúsheıýi men aldyn alý jumysyna qaramastan aýyryp, emhanaǵa túsip jatqan adam sany azaımaı otyr. Máselen, ótken táýlikte 311 naýqastan vırýstyń oń belgisi anyqtalyp, ınfeksııalyq aýrýhanaǵa jatqyzylǵan eken.

Qalmahanbet MUQAMETQALI

Qazir oblysta 33 024 adamnyń koronavırýs ınfeksııasyn juqtyrǵany zerthanalyq tekserý barysynda rastalyp otyr. Iаǵnı sońǵy bir apta ishindegi indet juqtyrýdyń ósý kórsetkishi 1 paıyzdy quraǵan. Al anyqtalǵan 311 naýqastyń eldi mekenderge shaqqandaǵy úlesine nazar aýdarsaq, negizinen adam kóp shoǵyrlanǵan ári Almaty qalasymen qoıan-qoltyq aralasyp jatqan aýdandarda basym ekeni bilinedi. Demek turǵyndar qaýipsizdik sharalaryn saqtamaýdyń zardabyn shegip otyr degen sóz.

Derek boıynsha, ótken táýlikte ǵana Aqsý aýdanynda – 6, Alakól aýdanynda – 4, Balqash aýdanynda – 4, Eńbekshiqazaq aýdanynda – 29, Eskeldi aýdanynda – 4, Jambyl aýdanynda – 18, Ile
aýdanynda – 34, Qarasaı aýdanynda – 32, Qaratal aýdanynda – 8, Kóksý aýdanynda – 5, Panfılov aýdanynda – 12, Raıymbek aýdanynda – 2, Talǵar aýdanynda – 36, Uıǵyr aýdanynda – 11, Kegen aýdanynda – 3, Qapshaǵaı qalasynda – 14, Taldyqorǵan qalasynda – 76, Tekeli qalasynda 13 adamnan koronavırýs ınfeksııasy anyqtalyp, naýqastar medısına kómegine júgingen.

Aıtpaqshy, óńirde koronavırýsqa qarsy ekpe alý isi qarqyndy júrip jatqanymen, turǵyndardyń tıisti bóligi áli de vaksına saldyrýǵa asyǵar emes. Derekke súıensek, jyl basynan beri oblysqa vaksınanyń birinshi komponentin egý úshin 570 655 doza ekpe ákelingen bolsa, onyń 551 350 doza ekpesi ǵana qoldanylypty. Al vaksınanyń ekinshi komponentinen 516 990 doza oblystaǵy medısına uıymdaryna ákelingen. Búginge deıin onyń 383 422 dozasy egilgen. Iаǵnı ekpeniń eki komponentin alǵan osy 383 422 adamǵa vaksınalaý pasporty berilgen. Aıtpaqshy, vaksınalanǵandardyń arasynda memleket qyzmetshileriniń úlesi 11 849 adam eken, sondaı-aq 23 338 medısına qyzmetkeri men taǵy basqa
38 036 qyzmetker bar. Al vaksınanyń birinshi komponentin alǵandar sany 551 352 adam shamasynda. Ekpe alý isi baıaý da bolsa, jalǵasyp jatyr.

Almaty oblysy