Mine, osy aıtylǵan kemshilikti joıý maqsatynda Qarqaraly jastar resýrstyq ortalyǵy bastama kóterip, eriktiler tabıǵattyń tazalyǵy úshin kúreske shyqty. Eriktilerdiń týǵan jerge degen perzenttik súıispenshiligi tánti etedi.
– Shaıtankól – Qarqaraly aýdanynyń injý-marjany. Jyl saıyn kóldiń jaǵasynda júzdegen týrıst bolady. О́kinishke qaraı, olar kóbinese ózderinen keıin qoqys tastap ketedi. Biz muny kóre tura, qol qýsyryp otyra almaımyz. Sondyqtan qoqysty óz kúshimizben jınaýdy jón kórdik, – deıdi olar.
Shaıtankóldiń jaǵalaý aýmaǵyn tazartý jumystaryna JasStar eriktiler jasaǵynyń volonterleri jáne «Jasyl el» jastar otrıadynyń sarbazdary bar, barlyǵy 15 jas atsalysty.
Qarqaraly aýdanynyń jastar resýrstyq ortalyǵynyń dırektory Ersaıyn Qoblandy eriktilerdiń arqasynda kól aýmaǵynyń qoqystan tazaryp, óziniń taza tabıǵı keıpine qaıta oralǵanyn maqtanyshpen aıtady. Jastar aldaǵy ýaqytta da Qarqaralydaǵy kózdiń jaýyn alar sulýlyqtyń tazalaǵyn jiti nazarda ustaımyz dep otyr.
Qaraǵandy oblysy,
Qarqaraly aýdany
