Álem • 06 Tamyz, 2021

DDSU basshysy úlken qaýiptiń bastalǵanyn eskertti

4040 ret
kórsetildi
1 mın
oqý úshin

Vaksınasııa sátti bolǵanyna qaramastan, koronavırýs ınfeksııasynyń taralýyna baılanysty adamzatqa qaýip tónip tur. Bul týraly Dúnıejúzilik densaýlyq saqtaý uıymynyń bas dırektory Tedros Gebreıesýs málimdedi, dep habarlaıdy Egemen.kz.

DDSU basshysy úlken qaýiptiń bastalǵanyn eskertti

Bul týraly RIA Novostı málimdedi.

«Vaksınalardyń qysqa merzimde daıyndalýy arqasynda biz aıtarlyqtaı alǵa jyljydyq. Biraq, qazir álem naqty qaýipke dýshar boldy. Biz buryn qol jetkizgen kóp jetistik joıylyp jatyr», dedi Tedros Gebreıesýs. 

DDSU basshysynyń aıtýynsha, COVID-19 jaǵdaıynyń kóbeıýine adamdardyń áleýmettik baılanystarǵa qoıylatyn shekteýlerdi toqtatýy, densaýlyq saqtaý júıeleriniń birkelki jumys istemeýi jáne vaksınasııa jyldamdyǵynyń birkelki emestigi sebep.

Bir kún buryn Gebreıesýs qyrkúıektiń sońyna deıin qaıta vaksınasııaǵa ýaqytsha moratorıı engizýge shaqyrdy.

DDSU-nyń baǵalaýy boıynsha, álemde COVID-19-ǵa qarsy vaksınaǵa jahandyq teńsizdik saqtalǵan. Kedeı elderde vaksına shyǵaratyn baı elderge qaraǵanda áldeqaıda az adam vaksına alǵan nemese bir dozany ǵana alǵan.