Qazaqstan • 06 Tamyz, 2021

Vaksına pasportyn qoldan jasaǵan 20 medısına qyzmetkeri ustaldy

4183 ret kórsetildi

Qazaqstanda 6 dáriger jalǵan vaksına pasportyn satqany úshin jaýapkershilikke tartyldy, dep habarlaıdy Egemen.kz Polisia.kz saıtyna silteme jasap.

Bul jaıynda Ishki ister mınıstrliginde ótken jumys keńesinde aıtyldy.

Qazaqstanda jalǵan vaksına pasportyn jáne PTR test satýdyń 110 faktisi tirkelgen. PTR anyqtamany qoldan jasaǵany jáne jalǵan vaksınasııa pasportyn jasaǵany úshin 28 adam áshkerelendi, onyń ishinde medısına qyzmetkerleri – 20 (alty dáriger, 14 medısına qyzmetkeri), deldaldar – 8.

Sondaı-aq áleýmettik jelilerge monıtorıng júrgizý kezinde jalǵan vaksınasııa pasportyn jáne PTR anyqtama satý týraly 70 habarlandyrý anyqtaldy, onyń 37-si buǵattaldy.

Osy sanattaǵy ister boıynsha tergeý-sot praktıkasy qalyptasty, zańdy kúshine engen sot aktileri bar. Tórt qylmystyq is boıynsha aıyptaý úkimi shyqty. 43 qylmystyq is boıynsha tergeý áreketteri jáne saraptamalyq zertteýler júrip jatyr. Olar aıaqtalǵannan keıin kúdiktilerdiń is-áreketin quqyqtyq baǵalaı otyryp, sheshim qabyldanady. Osyǵan uqsas barlyq qylmystyq isterdiń tergelýi baqylaýda.

Keńes barysynda Ishki ister mınıstrligi basqa memlekettik organdarǵa usynystar berdi.

Sońǵy jańalyqtar

Sal-seriniń sońy

Qazaqstan • Keshe

Jazda lager jetispeıdi

Qoǵam • Keshe

Alash ardaqtysyn túrki álemi ulyqtady

Ahmet Baıtursynuly • Keshe

Bizdiń Saıyn

Ádebıet • Keshe

Shavqat jeńiske jetti

Sport • Keshe

Maǵjannyń qarasózderi

Ádebıet • Keshe

Saf aýadaǵy serýen

Egemen Qazaqstan • Keshe

Uqsas jańalyqtar