«PTR-anyqtamalary men jalǵan vaksınasııa pasporttaryn jasaǵan 28 adam áshkerelendi. Sondaı-aq, áleýmettik jelilerge monıtorıng júrgizý kezinde jalǵan vaksınasııa pasporttaryn jáne PTR-anyqtamalardy satý týraly 70 jarnamalyq habarlandyrý anyqtaldy, olardyń 37-i buǵattaldy», dep habarlady Nurdildá Oraz IIM-de ótken brıfıngte.
Onyń aıtýynsha, atalǵan sanattaǵy ister boıynsha tergeý-sot praktıkasy qalyptasyp zańdy kúshine engen sot aktileri bar. Qazirgi tańda tórt qylmystyq is boıynsha aıyptaý úkimi shyqty.
«43 qylmystyq is boıynsha tergeý áreketteri men saraptamalyq zertteýler júrgizilýde. Olar aıaqtalǵannan keıin kúdiktilerdiń is-áreketterin quqyqtyq baǵalaı otyryp, is júrgizý sheshimderi qabyldanady. Osyǵan uqsas barlyq qylmystyq isterdi tergeý baqylaýǵa alyndy. IIM taǵy da azamattardy ózderin qylmystyq proseske tartýǵa jol bermeýge jáne óz týystary men jaqyndaryn qorǵaýǵa shaqyrady», dep túıindedi IIM ókili.
