Oblystyq densaýlyq saqtaý basqarmasynyń málimetinshe, denesiniń 50%-yn kúıik shalǵan.
«Naýqastyń jaǵdaıy aýyr. Dárigerler ony aman alyp qalý úshin qoldan kelgenniń bárin jasaıdy», dep málimdedi vedomstvodan.
Rojdestvenka aýyldyq okrýginiń ákimi Rashıd Galeevtiń aıtýynsha, otbasynyń jaǵdaıy jaqsy. Erli-zaıyptylardyń Rozovka aýylynda eki dúkeni bar - azyq-túlik jáne turmystyq. Úsh balany tárbıelep otyr.
«Úlken qyzy bıyl jetinshi synypqa barady, ekeýi – mektep jasyna deıingi, kenjesi - bir jasar bala. Qazir balalardy atasy men ájesi qarap otyr», dedi Rashıd Galeev.
Aýyl turǵyndary bul otbasynyń osyndaı jaǵdaıǵa tap bolǵanyna tań qalýda.
Oblystyq polısııa departamenti zardap shekken adamnyń jubaıyna ótinish jazýdan bas tartqanyn habarlady. Degenmen, tártip saqshylary QR QK 107-baby – «densaýlyqqa qasaqana aýyrlyǵy ortasha zııan keltirý» boıynsha sotqa deıingi tergeýdi bastady.
Eske sala keteıik, Rozovka aýylynyń turǵyny áıelin órtep jibergen. Erli-zaıyptylar arasynda janjal shyqqan. Er adam mas kúıinde kólik júrgizbek bolǵan, al áıeli oǵan tyıym salǵan. Budan keıin 36 jastaǵy aýyl turǵyny tońazytqyshtan alkogol alyp, áıeline quıyp ot qoıǵan.
