«Sergek» beınebaqylaý júıesi qıylystyń aldynda kólikterdiń durys emes qatarǵa turýdy, stop-lınııa syzyǵyna kirýdi jáne avtobýs jolaǵynyń boıymen júrýdi anyqtaıdy.
Sondaı-aq «Sergek» kameralary jyldamdyqty, kóliktiń baǵdarshamnyń qyzyl túsine ótip ketýin jáne tyıym salynǵan jerge toqtaǵanyn tirkeıdi.
«Barlyq zań buzýshylyqtardy polısııa óńdeıdi. Ári qaraı buzýshylyqtar týraly nusqaýlyq kólik quraldarynyń ıelerine SMS jáne poshta arqyly eki jolmen jiberiledi. Aıyppul týraly habarlamany alǵannan keıin, quqyqbuzýshy jeti kún ishinde somanyń jartysyn tóleı alady. Tólem óz erkimen tólenbegen jaǵdaıda, habarlama alynǵan kúnnen bastap 30 kún ótken soń, materıal QR ÁQbK-niń 894-babyna sáıkes májbúrlep alýǵa jiberiledi. Egov.Kz jáne Qamqor.gov.kz saıttarynda buzýshylyq hattamalarymen tanysý múmkindigi bar. Aıyppuldy kez-kelgen yńǵaıly jolmen tóleýge bolady. Mysaly, elektrondy úkimet portalynda onlaın, bankterdiń esep aıyrysý-kassalyq bóliminde nemese mobıldi qosymshalar arqyly tólem júrgizýge bolady (Kaspi.kz, HalykBank, Kassa24, Handypay, Homebank, Kazpochta, Kolesa). Aıyppuldan túsken barlyq qarajat qalalyq bıýdjetke túsedi», dedi Ákimshilik polısııa basqarmasynyń bastyǵy Nurlan Amanbek.
